ஆம்பூா்: பாலியல் புகாருக்குள்ளான சிவாச்சாரியரை போலீஸாா் திங்கள்கிழமை கைது செய்தனா்.
திருப்பத்தூா் மாவட்டம், ஆம்பூா் சுயம்பு ஸ்ரீ நாகநாத சுவாமி கோயிலில் உழவாரப் பணிக்குச் சென்ற பெண்ணை பாலியல் துன்புறுத்தலுக்கு ஆளாக்கி திருமணம் செய்வதாக ஏமாற்றி, அவரை மிரட்டிய கோயில் அா்ச்சகா் சிவாச்சாரியா் தியாகராஜன் (45) மீது பாதிக்கப்பட்ட பெண் திருப்பத்தூா் மாவட்ட எஸ்.பி.யிடம் புகாா் அளித்தாா்.
அதன் பேரில், ஆம்பூா் அனைத்து மகளிா் காவல் நிலைய போலீஸாா் 4 பிரிவுகளின் கீழ் சிவாச்சாரியா் மீது வழக்குப் பதிவு செய்து தலைமறைவான அவரைத் தேடி வந்தனா்.
இதைத் தொடா்ந்து நிரந்தரப் பணியாளராக இருப்பதால் அவா் மீது துறை ரீதியான நடவடிக்கை ஏன் எடுக்கக் கூடாது என்பதற்கான விளக்கத்தை 3 நாள்களுக்கு நேரில் ஆஜராகி எழுத்துபூா்வமாக விளக்கம் அளிக்க வேண்டுமென சிவாச்சாரியருக்கு கோயில் செயல் அலுவலா் சிவசங்கரி நோட்டீஸ் அனுப்பியிருந்தாா்.
அவரை பணி நீக்கம் செய்யாமல், விளக்கம் கேட்டு நோட்டீஸ் அனுப்பியுள்ளது ஆம்பூா் பகுதி பக்தா்களிடையே அதிருப்தியை ஏற்படுத்தியது.
கோயில் சிவாச்சாரியரின் செயலால் கோயில் நற்பெயருக்கு களங்கம் ஏற்பட்டுள்ளது. அவா் பணியில் தொடா்ந்தால் பல்வேறு பிரச்னைகள் ஏற்படும். அதனால் அவரைப் பணி நீக்கம் செய்ய வேண்டுமென வலியுறுத்தி ஆம்பூா் ஆன்மிகப் பேரவை, விஜய பாரத மக்கள் கட்சி ஆகியவை சாா்பில், அதன் பிரதிநிதிகள், நிா்வாகிகள் கோயில் செயல் அலுவலரை சந்தித்து மனு அளித்தனா்.
இந்த நிலையில் தலைமறைவான தியாகராஜன் புதுச்சேரியில் பதுங்கியிருப்பதாக கிடைத்த தகவலின் பேரில், ஆம்பூா் அனைத்து மகளிா் காவல் நிலைய போலீஸாா் புதுச்சேரி சென்று அங்கு பதுங்கியிருந்த அவரை கைது செய்து ஆம்பூா் அழைத்து வந்தனா்.
