பிரிட்டன் அரசா் சாா்லஸின் புத்தாண்டு விருதுக்கு 30 இந்திய வம்சாவளியினா் தோ்வு

பிரிட்டன் அரசா் சாா்லஸின் புத்தாண்டு விருதுகளுக்கு சுகாதாரம், கல்வி மற்றும் தன்னாா்வ சேவை ஆகிய பல்வேறு துறைகளில் முன்மாதிரியாக விளங்கும் 30 இந்திய வம்சாவளியினா் தோ்வு செய்யப்பட்டுள்ளனா்.

புத்தாண்டையொட்டி கடந்த திங்கள்கிழமை இரவு வெளியிடப்பட்ட அரசரின் 2025-ஆம் ஆண்டு கௌரவ விருதுப் பட்டியலில், மொத்தம் 1,200-க்கும் மேற்பட்டோா் இடம்பெற்றுள்ளனா்.

இலங்கை மற்றும் இந்திய வம்சாவளியரான ‘கன்சா்வேடிவ்’ கட்சியின் நாடாளுமன்ற உறுப்பினா் ரணில் மால்கம் ஜெயவா்தனே, லண்டன் மேயா் சாதிக் கான் உள்ளிட்டோருக்கு அரசியல் மற்றும் பொது சேவைக்காகவும் சமீபத்தில் பொறுப்பிலிருந்து விலகிய இங்கிலாந்து ஆண்கள் கால்பந்து அணியின் முன்னாள் மேலாளா் கேரத் சௌத்கேடுக்கு விளையாட்டுத் துறை பங்களிப்புக்காகவும் உயரிய ‘நைட்ஹுட்’ விருது வழங்கப்பட்டுள்ளது.

இந்திய வம்சாவளியினரான சாத்வந்த் கௌா் தியோல் (கல்வி), சாா்லஸ் ப்ரீதம் சிங் தனோவா (சட்டம்) ஸ்னேஹ் கேம்கா (சுகாதாரம்), லீனா நாயா் (வா்த்தகம்), மயங்க் பிரகாஷ் (பொதுச் சேவை), பூா்ணிமா மூா்த்தி தனுகு (கல்வி) உள்பட 30 போ் அரசரின் புத்தாண்டு விருதுகளுக்கு தோ்வாகியுள்ளனா்.

பிரிட்டன் பிரதமா் வாழ்த்து:

வெற்றியாளா்களுக்கு பிரிட்டன் பிரதமா் கியொ் ஸ்டாா்மா் வெளியிட்ட வாழ்த்துச் செய்தியில், ‘புத்தாண்டு விருதுகள் பட்டியல், புகழின் வெளிச்சம் அறியாத பல நாயகா்களைக் கொண்டாடுகிறது. வெற்றியளா்களின் சிறந்த சமூகப் பங்களிப்புக்காக அவா்களுக்கு நன்றி தெரிவித்துக் கொள்கிறேன்’ என்று குறிப்பிட்டுள்ளாா்.

பிரிட்டன் அரசு தகவலின்படி, புத்தாண்டு விருது அறிவிக்கப்பட்டுள்ளவா்களில் 54 சதவீதத்தினா் தங்கள் துறை சாா்ந்து சமூகத்தில் சிறந்த தன்னாா்வ பணிகளை மேற்கொண்டு வருபவா்கள் என்றும் 12 சதவீதத்தினா் சிறுபான்மையினா் என்றும் தெரிவிக்கப்பட்டுள்ளது.