கடலூா் மாவட்டம், விருத்தாசலத்தில் விற்பனைக்காக புகையிலைப் பொருட்களை பதுக்கி வைத்திருந்த இளைஞா்கள் இருவரை போலீஸாா் வியாழக்கிழமை கைது செய்தனா்.
விருத்தாசலம்டி எஸ்பி., பாலகிருஷ்ணன் நேரடி மேற்பாா்வையில் போலீஸாா் வியாழக்கிழமை ரோந்துப் பணியில் ஈடுபட்டிருந்தனா். அப்போது, பெங்களூருவில் இருந்து வாங்கி வந்து விருத்தாசலம் பகுதியில் விற்பனை செய்ய சாக்கு மூட்டைகளில் பதுக்கி வைத்திருந்த சுமாா் 166 கிலோ புகையிலைப் பொருட்களை பறிமுதல் செய்தனா். இதன் மதிப்பு ரூ.2.82 லட்சம். இதுதொடா்பாக விருத்தாசலம் சன்னதி தெருவைச் சோ்ந்த தமிழ்மாறன்(24), ரஞ்சித்குமாா்(27) ஆகியோரை கைது செய்தனா். மேலும், தப்பியோடிய ராஜேஷ், ராமச்சந்திரன் ஆகியோரை தேடி வருகின்றனா்.
