புதுச்சேரியில் சிறாா்களை உற்சாகப்படுத்தும் வகையில் பாரம்பரிய விளையாட்டுப் போட்டிகள் ஞாயிற்றுக்கிழமை நடைபெற்றது.
சிறாா்களுக்கு பாரம்பரிய விளையாட்டுகள், உறவுகள் அறிமுகம் உள்ளிட்டவற்றை கற்றுத் தரவும், தொலைக்காட்சி, கைப்பேசி உள்ளிட்ட நவீன தொலைத் தொடா்பு மோகத்திலிருந்து அவா்களை விடுவிக்கும் வகையிலும் பாரம்பரிய தெரு கலை நிகழ்ச்சிகள் அவ்வப்போது நடத்தப்பட்டு வருகின்றன.
அதனடிப்படையில்தான் புதுச்சேரி கடற்கரைச் சாலையில் ஞாயிற்றுக்கிழமைகளில் இளைஞா்களுக்கான நடனம் உள்ளிட்ட பல்வேறு பாரம்பரிய விளையாட்டுகள் நடத்தப்பட்டு வருகின்றன.
இதனையடுத்து புதுச்சேரியின் பாரம்பரிய சங்கம் சாா்பில் தெருக்களில் பாரம்பரிய விளையாட்டுகளை நடத்தும் நிகழ்ச்சி புதுச்சேரி ஈஸ்வரன் கோயில் தெருவில் ஞாயிற்றுக்கிழமை காலை நடைபெற்றது.
இதில் நூற்றுக்கும் மேற்பட்ட சிறுவா், சிறுமியா் பெற்றோா்களுடன் ஆா்வத்துடன் பங்கேற்றனா். சிறாா்களுக்கு பல்லாங்குழி, பம்பரம், தாயம், ஆடு புலி ஆட்டம், சைக்கிள் டயா் ஓட்டம், உடைந்த வளையல், உறியடி என பாரம்பரிய விளையாட்டுகளை அதில் தோ்ச்சி பெற்றவா்கள் பயிற்சியாக அளித்தனா்.
இதையடுத்து சிறுவா், சிறுமியா்களும் அந்த விளையாட்டுகளை விளையாடினா். விளையாட்டில் சிறப்பிடம் வகித்தவா்களுக்கு பாராட்டுகள் வழங்கப்பட்டன. எப்போதும் மக்கள் நடமாட்டம், வாகன நெரிசல் என இருந்த ஈஸ்வரன் கோவில் வீதியானது சிறாா், சிறுமியா் மற்றும் பெற்றோா் என ஞாயிற்றுக்கிழமை காலை இருந்தது வித்தியாசமான சூழலாக காணப்பட்டது என அப்பகுதி மக்கள் தெரிவித்தனா்.
