புதுவை ஆதிதிராவிடா் நலத் துறை அமைச்சா் ஏ.கே. சாய் ஜெ சரவணன் குமாா் வெள்ளிக்கிழமை திடீரென ராஜிநாமா செய்தாா். இதற்கான கடிதத்தை முதல்வா் என்.ரங்கசாமியிடம் வழங்கினாா்.
இந்த நிலையில், பாஜக நியமன எம்எல்ஏக்களான வி.பி.ராமலிங்கம், ஆா்.பி.அசோக்பாபு, டி.வெங்கடேசன் ஆகியோரும் தங்கள் பதவிகளை ராஜிநாமா செய்து, அதற்கான கடிதங்களை பேரவைத் தலைவா் ஆா்.செல்வத்திடம் அளித்தனா்.
புதுவை மாநிலத்தில் என்.ஆா்.காங்கிரஸ் - பாஜக கூட்டணி அரசு ஆட்சியில் உள்ளது. முதல்வராக என்.ஆா்.காங்கிரஸ் தலைவா் என்.ரங்கசாமி உள்ளாா்.
இவரது அமைச்சரவையில் பாஜகவைச் சோ்ந்த ஏ.கே.சாய் ஜெ சரவணன் குமாா் ஆதிதிராவிடா் நலத் துறை அமைச்சராக பதவி வகித்து வந்தாா். இந்த நிலையில், வெள்ளிக்கிழமை அவா் தனது அமைச்சா் பதவியை திடீரென ராஜிநாமா செய்வதாக முதல்வா் என்.ரங்கசாமியிடம் கடிதம் அளித்தாா்.
ராஜிநாமா செய்த பிறகு செய்தியாளா்களிடம் சாய் ஜெ சரவணன் குமாா் கூறியதாவது:
ஊசுடு தொகுதியில் இருந்து தோ்ந்தெடுக்கப்பட்ட எனக்கு இதே நாளில் 27.6.2021 அன்று அமைச்சா் பதவியைக் கொடுத்து அழகு பாா்த்தவா் பிரதமா் நரேந்திர மோடி. அவா் உடனடியாக அமைச்சா் பதவியை ராஜிநாமா செய்யச் சொன்னாா். அதன்படி, ராஜிநாமா செய்துவிட்டேன் என்றாா்.
மாநில பாஜக தலைவா் பதவிக்கு போட்டியிடுவீா்களா என்று கேட்டதற்கு, போட்டியிடுவேன் என்றாா்.
ஆதரவாளா்கள் ஆா்ப்பாட்டம்: அமைச்சா் சாய் ஜெ சரவணன் குமாா் ராஜிநாமா செய்ததற்கு எதிா்ப்புத் தெரிவித்து அவரது ஆதரவாளா்கள் வெள்ளிக்கிழமை இரவு புதுச்சேரி இந்திரா காந்தி சிலை அருகே ஆா்ப்பாட்டத்தில் ஈடுபட்டனா்.
