புத்தகங்கள் வாசிப்பதால் அறிவுத்திறன், பகுத்தறிவு வளரும்: அமைச்சா் துரைமுருகன்
Admin
- 6 hours ago
புத்தகங்கள் வாசிப்பதன் மூலம் நமது அறிவுத்திறனும், பகுத்தறிவும் வளா்ச்சியடையும் என்று நீா்வளத்துறை அமைச்சா் துரைமுருகன் தெரிவித்தாா்.
வேலூா் மாவட்ட நூலக ஆணைக்குழுவுக்குட்பட்டு செயல்படும் காந்திநகா் முழுநேர கிளை நூலகம் மிகவும் பழுதடைந்து பயன்படுத்த இயலாத நிலையில் இருந்தது. இதனால், நூலகத்திலுள்ள புத்தகங்கள் மழைநீா் நனைந்து பாதிக்கப்பட்டு வந்ததுடன், வாசகா்கள் அமா்ந்து படிக்கவும் வாய்ப்பு வசதியற்ற நிலையில் இருந்தது.
இதையடுத்து, பழைய கட்டடத்தை இடித்து விட்டு, ரூ.1.42 கோடியில் நவீன வசதிகளுடன் கட்டப்பட்ட புதிய நூலக கட்டடம் கட்டப்பட்டது. உங்கள் தொகுதியில் முதல்வா் திட்டத்தின்கீழ் கட்டப்பட்டுள்ள கட்டடத்தை அமைச்சா் துரைமுருகன் செவ்வாய்க்கிழமை திறந்து வைத்தாா்.
அவா் பேசியது : எவ்வளவு பெரிய கட்டடங்களை திறந்து வைத்தாலும், ஒரு நூலகத்தை திறந்து வைக்கும்போது மனதில் ஏற்படும் மகிழ்ச்சி அளவற்றது. புத்தக வாசிப்பு என்பது ஒரு மனிதனுக்கு எண்ணற்ற விசயங்களை கற்றுத்தரக்கூடியது. அண்ணா எண்ணற்ற புத்தகங்களை படித்து படித்து தனது அறிவாற்றலையும், பேச்சாற்றலையும் வளா்த்து கொண்டாா்.
கருணாநிதியும் புத்தக வாசிப்பிலும், புத்தகங்களை எழுதுவதிலும் ஆா்வமுடையவா். புத்தகங்களை தொடா்ந்து படித்ததன் மூலம்தான் நான் பல்வேறு உலக சிந்தனைகளை அறிந்து கொண்டு, முழுமனிதனாக என்னை உணா்ந்தேன். புத்தகங்கள் வாசிப்பதன் மூலம் நமது அறிவுத்திறனும், பகுத்தறிவும் வளா்ச்சியடையும்.
எனவேதான் இங்கு சிறிய இடத்திலிருந்த நூலக கட்டடத்தை புதுப்பித்து கட்ட வேண்டும் என்று வாக்குறுதி அளித்து நிறைவேற்றியுள்ளேன். இந்த நூலகத்தை இளைஞா்களும், இப்பகுதியிலுள்ள பொதுமக்களும் நல்ல முறையில் பயன்படுத்தி கொள்ள வேண்டும் என்றாா்.
தொடா்ந்து, வீட்டுவசதி, நகா்ப்புற வளா்ச்சி துறை சாா்பில் காட்பாடி காந்திநகரிலுள்ள காட்பாடி கூட்டுறவு நகரமைப்பு சங்கத்துக்கு சொந்தமான இடத்தில் ரூ.85.59 லட்சத்தில் வணிக நோக்கிலான கட்டடத்தையும் அமைச்சா் துரைமுருகன் திறந்து வைத்தாா்.
நிகழ்ச்சியில், வேலூா் ஆட்சியா் வி.ஆா்.சுப்புலட்சுமி, சட்டப்பேரவை உறுப்பினா்கள் ப.காா்த்திகேயன், வி.அமுலு விஜயன், கூட்டுறவு சங்கங்களின் பதிவாளா் (வீட்டு வசதி) ம.அந்தோணிசாமி ஜான் பீட்டா், மாவட்ட நூலுக அலுவலா் கே.ஆா்.பழனி, வேலூா் மண்டல துணை பதிவாளா் (வீட்டு வசதி) பி.அன்பரசி உள்ளிட்டோா் பங்கேற்றனா்.
