பூம்புகாா் விற்பனை கண்காட்சி புதுச்சேரி சுஃப்ரென் வீதி, பாரதி பூங்கா அருகில் அமைந்துள்ள வா்த்தக சபையில் வெள்ளிக்கிழமை தொடங்கியது.
வரும் 30-ஆம் தேதி வரை நடைபெறும் இந்தக் கண்காட்சியை புதுச்சேரி மாவட்ட ஆட்சியா் அ.குலோத்துங்கன் திறந்து வைத்து பாா்வையிட்டாா்(படம்).
இந்தக் கண்காட்சியில் பித்தளை விளக்குகள் மற்றும் கைவினை பரிசுப் பொருள்கள் பல இடம் பெற்றுள்ளன. மேலும் குழந்தைகள் விளையாடும் மர பொம்மைகள், பஞ்சலோகத்தில் செய்யப்பட்ட சிலைகள், பித்தளை சிலைகள், மரத்தினால் செய்யப்பட்ட மரச்சிற்பங்கள் மற்றும் கலை பொருட்கள், பெண்கள் பயன்படுத்தும் பைகள், பூஜை பொருள்கள் வைக்கப்பட்டுள்ளன. இக்கண்காட்சியில் விற்பனையாகும் அனைத்து பொருள்களுக்கும் 10 சதவீத சிறப்பு தள்ளுபடி அளிக்கப்படுவதாக பூம்புகாா் நிறுவன மேலாளா் காா்த்திக் தெரிவித்தாா்.
