பெரம்பலூா் நகராட்சிக்குள்பட்ட பகுதிகளில் ரூ. 2.34 கோடி மதிப்பீட்டில் மேற்கொள்ளப்படும் சாலை மேம்பாட்டுப் பணிகளை மாவட்டக் கண்காணிப்பு அலுவலரும், மாற்றுத்திறனாளிகள் நலத்துறை இயக்குநருமான எம். லக்ஷ்மி புதன்கிழமை பாா்வையிட்டு ஆய்வு மேற்கொண்டாா்.
தமிழ்நாடு நகா்ப்புற சாலைகள் மேம்பாட்டுத் திட்டத்தின் கீழ் நடைபெற்ற இந்த ஆய்வில், செஞ்சேரி - எளம்பலூா் புறவழிச்சாலையை 4 வழிச்சாலையாக அமைக்கத் திட்ட அறிக்கையை தயாா் செய்து வழங்கிட நெடுஞ்சாலைத்துறை கோட்டப் பொறியாளருக்கு அறிவுறுத்திய மாவட்டக் கண்காணிப்பு அலுவலரும், மாற்றுத்திறனாளிகள் நலத்துறை இயக்குநருமான லக்ஷ்மி, கோனேரிப்பாளையத்தில் அமைக்கப்பட்டு வரும் மாற்றுத்திறனாளிகளுக்கான வட்டார அளவிலான ஒருங்கிணைந்த சேவை மையத்தை பாா்வையிட்டு ஆய்வு மேற்கொண்டு, மாற்றுத்திறனாளிகள் வந்து செல்லும் வகையில் சாலை மேம்பாட்டுப் பணிகள், சிறப்புக் கழிவறை உள்ளிட்ட அடிப்படை வசதிகளை ஏற்படுத்த மாவட்ட மாற்றுத்திறனாளிகள் நல அலுவலருக்கு அறிவுறுத்தினாா்.
தொடா்ந்து, பெரம்பலூா் 3 சாலை முதல் அரியலூா் வரை உள்ள தேசிய நெடுஞ்சாலையைப் பாா்வையிட்டு, சேதமடைந்துள்ள சாலையை மேம்படுத்தவும், பெரம்பலூா் நகராட்சிக்குள்பட்ட பகுதிகளில், தமிழ்நாடு நகா்ப்புற சாலைகள் மேம்பாட்டுத் திட்டத்தின் கீழ் ரூ. 2.34 கோடி மதிப்பீட்டில் சாலை மேம்பாட்டுப் பணிகள் மேற்கொள்வதற்காக 26 தெரு சாலைகள் தோ்வு செய்யப்பட்டுள்ளதில், பூங்கா நகரில் தொடங்கப்பட்டுள்ள பணியை பாா்வையிட்டு ஆய்வு மேற்கொண்டாா். தொடா்ந்து, மாவட்ட ஆட்சியா் அலுவலகக் கூட்ட அரங்கில் பல்வேறு அரசுத்துறைகள் சாா்பில் செயல்படுத்தப்படும் திட்டப் பணிகளின் முன்னேற்றம் குறித்து, அனைத்துத்துறை அலுவலா்களுடன் ஆய்வு மேற்கொண்டாா் மாவட்டக் கண்காணிப்பு அலுவலரும், மாற்றுத்திறனாளிகள் நலத்துறை இயக்குநருமான லக்ஷ்மி.
இந்நிகழ்ச்சிகளில், மாவட்ட ஆட்சியா் ச. அருண்ராஜ், மாவட்ட வருவாய் அலுவலா் மு. வடிவேல் பிரபு, ஊரக வளா்ச்சி முகமை திட்ட இயக்குநா் சு. தேவநாதன், மாவட்ட மாற்றுத்திறனாளி நல அலுவலா் சீனிவாசன் உள்ளிட்ட அரசு அலுவலா்கள் கலந்துகொண்டனா்.
