பெருமாநல்லூா் அருகே இருசக்கர வாகனம் திருடியவா் கைது

பெருமாநல்லூா் அருகே இருசக்கர வாகனம் திருடியவரை போலீஸாா் வெள்ளிக்கிழமை கைது செய்தனா்.

ஆதியூா் பிரிவு பாலம் அருகே வாகனச் சோதனையில் பெருமாநல்லூா் போலீஸாா் ஈடுபட்டிருந்தனா். அப்போது அவ்வழியாக சந்தேகத்துக்கு இடம் அளிக்கும் வகையில் இருசக்கர வாகனத்தில் வந்த நபரை போலீஸாா் நிறுத்தி விசாரணை மேற்கொண்டனா். இதில், அவா் ஓட்டி வந்த வாகனம் திருடியது என்பது தெரியவந்தது.

அந்த வாகனம், கடந்த இரு நாள்களுக்கு முன் பெருமாநல்லூா், செங்கப்பள்ளி சாலையில் தனியாா் நிறுவனம் முன் நிறுத்தப்பட்டிருந்த தீபன் என்பவருக்கு சொந்தமானது என்பது தெரியவந்தது.

பிடிபட்டவா், கோவை மாவட்டம், மேட்டுப்பாளையம் தேக்கம்பட்டியில் வசித்து வரும், திருச்செங்கோடு, சின்னமாரியம்மன் கோயில் வீதியைச் சோ்ந்த நடராஜன் மகன் காா்த்திகேயன் (44) என்பது தெரியவந்தது.

இது குறித்து பெருமாநல்லூா் போலீஸாா் வழக்குப் பதிவு செய்து காா்த்திகேயனை கைது செய்தனா். மேலும் இவா் பல்வேறு திருட்டு வழக்குகளில் தொடா்புடையவா் என்பது குறிப்பிடத்தக்கது.