மதுரையில் இரு சக்கர வாகனம் மீது அரசுப் பேருந்து மோதியதில் தனியாா் மருத்துவமனை ஊழியா் உயிரிழந்தாா்.
மதுரை அருகே உள்ள கருப்பாயூரணி பாரதியாா் 17-ஆவது தெருவைச் சோ்ந்தவா் மணிகண்டன் (50). இவா் சாத்தமங்கலம் பகுதியில் உள்ள தனியாா் மருத்துவமனையில் பணிபுரிந்து வந்தாா். இந்த நிலையில், செவ்வாய்க்கிழமை இரவு உணவு வாங்குவதற்காக சிவகங்கை சாலையில் உள்ள உணவகத்துக்குச் சென்றாா்.
அங்கு அவா் இரு சக்கர வாகனத்தில் நின்று கொண்டிருந்தபோது, கோபிசெட்டிபாளையத்திலிருந்து திருச்செந்தூா் சென்ற அரசுப் பேருந்து மோதியது. இதில் நிலை தடுமாறி கீழே விழுந்த மணிகண்டன் மீது பேருந்து ஏறி இறங்கியதில் அவா் தலையில் பலத்த காயமடைந்தாா்.
இதையடுத்து, அந்தப் பகுதியினா் அவரை மீட்டு அரசு மருத்துவமனைக்கு கொண்டு சென்றனா். அங்கு அவரை பரிசோதித்த மருத்துவா்கள் ஏற்கெனவே உயிரிழந்து விட்டதாகத் தெரிவித்தனா்.
இதுகுறித்து தல்லாகுளம் போக்குவரத்து புலனாய்வுப் பிரிவு போலீஸாா், அரசுப் பேருந்து ஓட்டுநரான கோபிசெட்டிப்பாளையத்தைச் சோ்ந்த துரைசாமி மீது வழக்குப்பதிந்து விசாரிக்கின்றனா்.
