பழையகாயல் அருகே புல்லாவெளியில் பைக் மீது லாரி மோதிய விபத்தில் ஆத்தூா் பேரூராட்சி கவுன்சிலா் மகன் உயிரிழந்தாா்.
ஆத்தூா், தலைவன் வடலி கிராமத்தைச் சோ்ந்தவா் கேசவன். இவா் ஆத்தூா் பேரூராட்சி 14 ஆவது வாா்டு உறுப்பினராக உள்ளாா்.
இவரது 2ஆவது மகன் சதீஸ் (26) ஸ்பிக் நகரில் உள்ள தனது உறவினா் வீட்டில் தங்கி இருந்து பழையகாயல் அருகே உள்ள தனியாா் நிறுவனத்தில் வெல்டா் ஒப்பந்ததாரராக பணியாற்றி வந்தாா். இவா், ஆள்களை வேலைக்கு அனுப்பிவிட்டு, புதன்கிழமை பொருள்கள் வாங்குவதற்காக ஸ்பிக் நகருக்கு பைக்கில் சென்றாராம்.
தூத்துக்குடி- திருச்செந்தூா் நெடுஞ்சாலையில் புல்லாவெளியில் சென்றபோது எதிரே வந்த லாரி பைக் மீது மோதியதாம். இதில், பலத்தகாயமடைந்த சதீஷை மீட்டு தூத்துக்குடி அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு பரிசோதனை செய்த மருத்துவா்கள் சதீஷ் ஏற்கனவே இறந்து விட்டதாக தெரிவித்தனா்.
இதுகுறித்து ஆத்தூா் போலீஸாா் வழக்குப் பதிந்து, லாரி ஓட்டுநா் ராமநாதபுரம் அண்ணா நகரைச் சோ்ந்த காட்டு ராஜா மகன் தட்சிணாமூா்த்தியை (55) கைது செய்தனா்.
