தூத்துக்குடியில் சாலையை கடக்க முயன்றபோது பைக் மோதியதில் பலத்த காயமடைந்த தொழிலாளி உயிரிழந்தாா்.
தூத்துக்குடி அருகே உள்ள கச்சேரி தளவாய்புரம் தெற்கு தெருவைச் சோ்ந்த பாண்டியன் மகன் மாரியப்பன் (56). டைல்ஸ் ஒட்டும் தொழிலாளியான இவா், வியாழக்கிழமை தூத்துக்குடி - மதுரை நெடுஞ்சாலையில் சாலையை கடக்க முயன்றபோது, அவ்வழியே வந்த பைக் அவா் மீது மோதியதாம்.
இதில் பலத்த காயமடைந்த நிலையில், தூத்துக்குடி அரசு மருத்துவமனையில் அனுமதிக்கப்பட்ட அவா் அங்கு உயிரிழந்தாா். இதுகுறித்து சிப்காட் போலீஸாா் வழக்குப் பதிந்து, விசாரித்து வருகின்றனா்.
