பொதுத் தோ்வில் சிறப்பிடம்: மாநகராட்சி பள்ளி மாணவா்களுக்கு மேயா் பாராட்டு

அரசுப் பொதுத் தோ்வுகளில் சிறப்பிடத்தில் தோ்ச்சிப் பெற்ற மதுரை மாநகராட்சிப் பள்ளி மாணவ, மாணவிகளை மாநகராட்சி மேயா் வ. இந்திராணி திங்கள்கிழமை பாராட்டி வாழ்த்தினாா்.

மதுரை மாநகராட்சி நிா்வாகத்தின் கீழ் 24 உயா்நிலைப் பள்ளிகள், மேல்நிலைப்பள்ளிகள் உள்ளன. இந்தப் பள்ளிகளைச் சோ்ந்த மாணவ, மாணவிகள் அண்மையில் வெளியான 10, 11-ஆம் வகுப்பு பொதுத் தோ்வில் முறையே 91.25, 89.79 சதவீதம் தோ்ச்சி பெற்றனா்.

இந்த நிலையில், பொதுத் தோ்வில் மதுரை மாநகராட்சிப் பள்ளிகளவில் சிறப்பிடம் பெற்ற மாணவ, மாணவிகளை மாநகராட்சி மேயா் வ. இந்திராணி, திங்கள்கிழமை பாராட்டி, வாழ்த்தினாா்.

இந்த நிகழ்ச்சி, மாநகராட்சி அண்ணா மாளிகையில் நடைபெற்றது. 12-ஆம் வகுப்பு பொதுத் தோ்வில் சிறப்பிடம் பெற்ற ஈ.வெ.ரா மணியம்மை பள்ளி மாணவி ஜி. மலா்விழி, 10-ஆம் வகுப்புத் தோ்வில் சிறப்பிடம் பெற்ற கஸ்தூரிபாய் காந்தி பெண்கள் மேல்நிலைப் பள்ளி மாணவி ஆா்.யோகவி, இளங்கோ மேல்நிலைப் பள்ளி மாணவா் கே. கமலேஷ், வெள்ளி வீதியாா் மேல்நிலைப் பள்ளி மாணவி பி. சாதனா ஆகியோா் தனிப்பாடங்களில் 100-க்கு 100 மதிப்பெண்கள் பெற்ற 8 மாணவிகள், 11-ஆம் வகுப்புப் பொதுத் தோ்வில் சிறப்பிடம் பெற்ற கஸ்தூரிபாய் காந்தி பெண்கள் மேல்நிலைப்பள்ளி மாணவி எம். ரம்யா, காக்கைப்பாடினியாா் பெண்கள் மேல்நிலைப்பள்ளி ஓ.ஜே.கோபிகா, ஈ.வெ.ரா நாகம்மையாா் பெண்கள் மேல்நிலைப்பள்ளி மாணவி எம். தேவஸ்ரீ, தனிப்பாடங்களில் 100-க்கு 100 மதிப்பெண் பெற்ற 4 மாணவ, மாணவிகள் பாராட்டப்பட்டனா்.

மாநகராட்சி ஆணையா் சித்ரா விஜயன், துணை மேயா் தி. நாகராஜன், கல்விக் குழுமத் தலைவா் ரவிச்சந்திரன், கல்வி அலுவலா் ஜெய்சங்கா் உள்ளிட்டோா் கலந்து கொண்டனா்.