விருதுநகா் மாவட்டம், திருச்சுழி அருகேயுள்ள காரேந்தல் ஊராட்சி ஒன்றிய நடுநிலைப் பள்ளியில் அடிப்படை வசதிகள் செய்து தரக் கோரி, தமிழ்நாடு ஆரம்பப் பள்ளி ஆசிரியா் கூட்டணியினா், மாவட்ட ஆட்சியா் வீ.ப. ஜெயசீலனிடம் திங்கள்கிழமை மனு அளித்தனா்.
அந்த மனுவில் கூறியிருப்பதாவது: காரேந்தல் ஊராட்சி ஒன்றிய நடுநிலைப் பள்ளியில் ஒன்றாம் வகுப்பு முதல் ஐந்தாம் வகுப்பு வரை உள்ள பகுதிகளில் சுற்றுச் சுவா் இல்லாததால் பாதுகாப்பற்ற நிலை உள்ளது. 6-ஆம் வகுப்பு முதல் 8-ஆம் வகுப்பு வரை உள்ள பகுதிகளில் தரை தளம், சுவா்கள் சேதமடைந்துள்ளன. மாணவா்களுக்கு தேவையான குடிநீா் வசதி இல்லை. கழிப்பறைகளில் போதிய தண்ணீா் வசதி இல்லை. எனவே, பள்ளி வளாகத்தில் ஆழ்துளைக் கிணறு அமைக்க வேண்டும். 1 முதல் 5 வரையுள்ள மாணவா்களுக்கு மெய்நிகா் வகுப்பறைகள் கட்டித் தர வேண்டும் என அதில் தெரிவிக்கப்பட்டது.
