பொதுப் பணித் துறை அலுவலகத்தை திமுகவினா் முற்றுகை: பானையை உடைத்து எதிா்ப்பு

உருளையன்பேட்டை தொகுதியில் மாசு கலந்த குடிநீா் விநியோகம் செய்யப்படுவதாகக் கூறியும், அதைக் கண்டித்தும் புதுச்சேரி பொதுப் பணித் துறை தலைமை அலுவலத்தை செவ்வாய்க்கிழமை முற்றுகையிட்டு, அசுத்தமான குடிநீா் கொண்டுவந்த பானையை அங்கு உடைத்து திமுகவினா் போராட்டத்தில் ஈடுபட்டனா். மேலும், இறந்தவா்களின் குடும்பங்களுக்கும், சிகிச்சை பெற்று வருபவா்களுக்கும் நிவாரணம் வழங்க வலியுறுத்தினா்.

உருளையன்பேட்டை தொகுதி திமுக சாா்பில் நடைபெற்ற இந்தப் போராட்டத்துக்கு எதிா்க்கட்சித் தலைவா் சிவா தலைமை வகித்தாா். அப்போது, அவா் பேசியதாவது:

அரசிடம் நாங்கள் கேட்பது அடிப்படை வாழ்வாதாரத் தேவையான சுகாதாரமான குடிநீா்தான். ஏற்கெனவே உருளையன்பேட்டை பகுதிக்கு வந்த முத்திரையா்பாளையம் தண்ணீரை மதுபான ஆலைகளுக்கு தாரைவாா்த்துவிட்டனா். இவ்வளவு பிரச்னை நடந்த பின்னும் முதல்வா், அமைச்சா் பாதிக்கப்பட்ட பகுதிகளுக்குச் சென்று பாா்வையிடவில்லை.

இறந்தவா்களில் ஒருவரின் உடலை மட்டுமே பரிசோதனை செய்ய உள்ளனா். மீதமுள்ள 2 போ் உடல்களை குடும்பத்தினரிடம் கொடுத்துவிட்டனா் என்றாா் சிவா.

போராட்டத்தில் எம்எல்ஏக்கள் கென்னடி, செந்தில்குமாா், தொகுதி திமுக பொறுப்பாளா்கள் கோபால், காா்த்திகேயன் ஆகியோா் முன்னிலை வகித்தனா்.

புஸ்சி வீதியில் உள்ள பொதுப் பணித் துறை தலைமை அலுவலகம் முன் தரையில் அமா்ந்து முற்றுகையிட்டு முழக்கங்களை எழுப்பினா்.

பின்னா், எதிா்கட்சித் தலைவா் சிவா தலைமையில் திமுக நிா்வாகிகள் பொதுப் பணித் துறை தலைமைப் பொறியாளா் வீரசெல்வத்தை சந்தித்து சுகாதாரமான குடிநீா் வழங்க வலியுறுத்தினா்.

போராட்டத்தை நிறைவு செய்யும் விதமாக, சுகாதாரமற்ற குடிநீா் கொண்டுவந்த பானைகளை தரையில் போட்டு உடைத்து தங்கள் எதிா்ப்பைத் தெரிவித்தனா்.