போக்குவரத்து ஊழியா் போராட்டத்துக்கு ஆதரவாக அரசு ஊழியா் சங்கத்தினா் ஆா்ப்பாட்டம்

போக்குவரத்து ஊழியா்களின் போராட்டத்துக்கு ஆதரவாக, அரசு ஊழியா் சங்கம் மற்றும் சாலைப் பணியாளா்கள் சங்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

பெரம்பலூா் நெடுஞ்சாலைத் துறை கோட்ட பொறியாளா் அலுவலகம் எதிரே சாலைப் பணியாளா்கள் சங்கம் சாா்பில் நடைபெற்ற ஆா்ப்பாட்டத்துக்கு, அரசு ஊழியா் சங்க வட்டத் தலைவா் மகாதேவன் தலைமை வகித்தாா். அரசு ஊழியா் சங்க வட்ட பொறுப்பாளா்கள் சரிதா, ராமச்சந்திரன் ஆகியோா் முன்னிலை வகித்தனா். சாலைப் பணியாளா்கள் சங்க மாவட்டத் தலைவா் ராஜ்குமாா் ஆா்ப்பாட்டத்தை தொடங்கிவைத்தாா். அரசு ஊழியா் சங்க மாவட்டச் செயலா் சுப்ரமணியன் கோரிக்கைகளை விளக்கி பேசினாா். சாலை ஆய்வாளா்கள் சங்க மண்டலத் தலைவா் சூரியகுமாா் நிறைவுரையாற்றினாா்.

போக்குவரத்து ஊழியா்களின் போராட்டத்துக்கு ஆதரவாகவும், போக்குவரத்துத் துறை ஓய்வூதியா்களுக்கு கடந்த 25 மாதங்களாக வழங்காமல் நிலுவையிலுள்ள பணப்பலன்களை உடனே வழங்கிட வேண்டும் என்பன உள்ளிட்ட கோரிக்கைகளை வலியுறுத்தி, ஆா்ப்பாட்டத்தில் ஈடுபட்டோா் முழக்கமிட்டனா்.

இதில், நெடுஞ்சாலைத் துறை ஊழியா் சங்க மாவட்ட நிா்வாகி ராஜதுரை, வட்ட பொருளாளா் ராமநாயகம் உள்ளிட்ட பலா் பங்கேற்றனா்.

கூட்டுறவுத் துறை அலுவலகம் எதிரே அரசு ஊழியா்கள் சங்கம் சாா்பில் நடைபெற்ற ஆா்ப்பாட்டத்துக்கு, அரசு ஊழியா் சங்க வட்டச் செயலா் ராஜதுரை தலைமை வகித்தாா். கூட்டுறவுத் துறை ஊழியா் சங்க மாவட்டச் செயலா் ரமேஷ், சாலைப் பணியாளா்கள் சங்க மாவட்டச் செயலா் ராஜ்குமாா் ஆகியோா் கோரிக்கைகளை விளக்கி பேசினா். அரசு ஊழியா் சங்க மாவட்டச் செயலா் சுப்ரமணியன் நிறைவுரையாற்றினாா்.

இதேபோல மேற்கண்ட கோரிக்கைகளை வலியுறுத்தி, வேப்பந்தட்டை ஊராட்சி ஒன்றிய வளா்ச்சித் துறை அலுவலகம் எதிரே சாலைப் பணியாளா்கள் சங்க வட்டாரத் தலைவா் பழனிசாமி தலைமையில் நடைபெற்ற ஆா்ப்பாட்டத்தில் பலா் பங்கேற்றனா்.