2024-ஆம் ஆண்டில் நடைபெற்ற 18-ஆவது மக்களவைத் தோ்தலுக்கு ரூ.1,737.68 கோடியை பாஜக செலவு செய்துள்ளதாக இந்திய தோ்தல் ஆணையம் வெளியிட்ட செலவின அறிக்கையில் தெரிவிக்கப்பட்டது.
ரூ.1737.68 கோடியில் தோ்தல் பிரசாரத்துக்காக ரூ.884.45 கோடியும் வேட்பாளா் சாா்ந்த செலவுகளுக்கு ரூ.853.23 கோடியும் பாஜக செலவிட்டுள்ளதாக தோ்தல் ஆணையம் தெரிவித்தது.
அந்த அறிக்கையில் மேலும் கூறப்பட்டிருப்பதாவது: பத்திரிகை, ஊடகங்கள், குறுஞ்செய்திகள், வலைதளங்கள், தொலைக்காட்சி சேனல்கள் என பல்வேறு தளங்களிலும் விளம்பரத்துக்காக ரூ.611.50 கோடியை பாஜக செலவு செய்துள்ளது. அதேபோல் பதாகைகள், சுவரொட்டிகள், கட்சிக் கொடிகள் விநியோகம் சாா்ந்த செயல்பாடுகளுக்கு ரூ.55.75 கோடி செலவிடப்பட்டது.
பிரசாரங்கள், பொதுக்கூட்டங்களுக்கு மேடை அமைத்தல், தடுப்பு அமைப்புகள், ஒலிபெருக்கி அமைத்தல் உள்ளிட்டவற்றுககு ரூ.19.84 கோடி செலவிடப்பட்டது.
பாஜகவின் தலைமையால் அங்கீகரிக்கப்பட்ட நட்சத்திர பேச்சாளா்களின் போக்குவரத்து செலவுக்கு ரூ.168.92 கோடியும் பிற தலைவா்களின் சுற்றுப்பயணங்களுக்கு ரூ.2.53 கோடியும் செலவிடப்பட்டுள்ளது.
மக்களவைத் தோ்தலுடன் அருணாசல பிரதேசம், சிக்கிம் மற்றும் ஒடிஸா ஆகிய மாநிலங்களுக்கான பேரவைத் தோ்தல்களும் நடத்தப்பட்டது. அந்த மாநிலங்களில் தோ்தல்கள் நிறைவடையும் நாள் வரை அருணாசல பிரதேசத்தில் மொத்தமாக ரூ.5,552.57 கோடி, சிக்கிமில் ரூ.5,552.41 கோடி, ஒடிஸாவில் ரூ.5,555.65 கோடி கணக்கில் காட்டப்பட்டுள்ளது என குறிப்பிடப்பட்டது.
