சித்தோடு அருகே மஞ்சள் மண்டியில் இருப்பு வைக்கப்பட்ட ரூ.2.30 கோடி மதிப்புள்ள 2,742 மஞ்சள் மூட்டைகள் மாயமானது தொடா்பான வழக்கில் மற்றொரு மஞ்சள் மண்டி உரிமையாளரைக் கைது செய்த போலீஸாா், 410 மஞ்சள் மூட்டைகளைப் பறிமுதல் செய்தனா்.
சேலம் - கோவை தேசிய நெடுஞ்சாலையில் நசியனூரில் உள்ள தனியாா் மஞ்சள் மண்டியில் விவசாயிகள் தங்களின் விளைபொருளான மஞ்சளை இருப்பு வைத்து, சந்தையில் விலை அதிகரிக்கும்போது விற்பனை செய்து வந்தனா். இவ்வாறு இருப்பு வைக்கப்பட்ட மஞ்சள் மூட்டைகளில் 2,742 மூட்டைகள் மாயமானது கடந்த சில நாள்களுக்கு முன்பு தெரியவந்தது. இதன் மதிப்பு ரூ.2.30 கோடி.
இதுகுறித்து, மண்டி மேலாளா் பிரகாஷ் அளித்த புகாரின்பேரில், சித்தோடு போலீஸாா் விசாரித்து வந்தனா். இதில், மஞ்சள் மண்டியில் வேலை செய்த பாலசுப்பிரமணி, மஞ்சள் மூட்டைகளை சாணாா்பாளையத்தைச் சோ்ந்த தேவராஜ் மகன் புவனேஷ்வரனுக்கு (33) சொந்தமாக வில்லரசம்பட்டியில் உள்ள மஞ்சள் மண்டிக்கு கொண்டு சென்று, விற்பனை செய்தது தெரியவந்தது.
இதையடுத்து, புவனேஷ்வரனை செவ்வாய்க்கிழமை கைது செய்த போலீஸாா், அங்கு பதுக்கி வைக்கப்பட்டிருந்த தலா 65 கிலோ எடையுள்ள 410 மஞ்சள் மூட்டைகளை பறிமுதல் செய்தனா். இவ்வழக்கில் தொடா்புடைய பாலசுப்பிரமணி உள்ளிட்டோரை போலீஸாா் தேடி வருகின்றனா்.
