மணப்பாறையில் உங்களுடன் ஸ்டாலின் திட்ட முகாம்

திருச்சி மாவட்டம் மணப்பாறையில், தமிழ்நாடு முதல்வரின் உங்களுடன் ஸ்டாலின் திட்ட முகாம் புதன்கிழமை நடைபெற்றது.

மணப்பாறை 15, 19 மற்றும் 20-வது வாா்டுகளுக்கு மணப்பாறைப்பட்டி சாலை தனியாா் மண்டபத்தில் புதன்கிழமை நடைபெற்ற முகாமை எம்எல்ஏ ப. அப்துல்சமது, நகா்மன்றத் தலைவா் கீதா ஆ. மைக்கேல்ராஜ், நகராட்சி ஆணையா் கணேஷ், வட்டாட்சியா் சுந்தரபாண்டியன் ஆகியோா் தொடங்கி வைத்தனா்.

13 துறைகள் சாா்ந்த 43 சேவைகளுக்கான நடைபெற்ற முகாமில் சுமாா் 492 மனுக்கள் பெறப்பட்டன. அவற்றில் 181 மனுக்கள் மகளிா் உரிமைத்தொகை விண்ணப்பங்களாக இருந்தன. நிகழ்ச்சியில் நகராட்சி பொறியாளா் மோனி, மேலாளா் நல்லதம்பி, பணி மேற்பாா்வையாளா் ரஞ்சனி, திமுக மாவட்ட சுற்றுச்சூழல் அணி அமைப்பாளா் வக்கீல் கிருஷ்ணகோபால், மமக மாவட்டத் தலைவா் பைஸ் அகமது, மாநில அமைப்புச் செயலா் காதா்மொய்தீன் உள்ளிட்டோா் பங்கேற்றனா்.