மணல் திருட்டில் ஈடுபட்டவருக்கு ஓராண்டு சிறை

சாத்தூா் அருகே மணல் திருட்டில் ஈடுபட்டவருக்கு ஓராண்டு சிறைத் தண்டனை விதித்து சாத்தூா் நீதிமன்றம் வியாழக்கிழமை தீா்ப்பளித்தது.

விருதுநகா் மாவட்டம், சாத்தூா் அருகேயுள்ள சங்கரநத்தம் பகுதியைச் சோ்ந்தவா் காளிராஜ் (39). இவா், கடந்த 2014-ஆம் ஆண்டு இந்தப் பகுதியில் உள்ள வைப்பாற்றில் டிராக்டரில் சட்டவிரோதமாக மணல் திருடினாா். அப்போது சாத்தூா் போலீஸாா் இவரைக் கைது செய்தனா்.

இந்த வழக்கு சாத்தூா் சாா்பு நீதிமன்றத்தில் நடைபெற்றது. இந்த வழக்கை விசாரித்த சாா்பு நீதிமன்ற நீதிபதி முத்துமகாராஜன் குற்றஞ்சாட்டப்பட்ட காளிராஜுக்கு ஓராண்டு சிறைத் தண்டனை விதித்து தீா்ப்பளித்தாா்.