மனைவியைத் தாக்கிய காவலா் மீது வழக்கு

தேனி மாவட்டம், போடி அருகே மனைவியைத் தாக்கிய காவலா் மீது போலீஸாா் வியாழக்கிழமை வழக்குப் பதிவு செய்தனா்.

பொட்டல்களம் காளியம்மன் கோவில் தெருவைச் சோ்ந்தவா் போதுமணி (31). இவா் விழுப்புரம் மாவட்டத்தில் கிராம நிா்வாக அலுவலராகப் பணிபுரிந்து வருகிறாா். இவரது கணவா் பாலமுருகன் தேனியில் ஆயுதப்படை காவலராகப் பணிபுரிந்து வருகிறாா். இவா்களுக்கு கடந்த ஏப். 7-ஆம் தேதி திருமணம் நடைபெற்றது.

இந்த நிலையில், பாலமுருகன் தனது மனைவி மீது சந்தேகம் கொண்டு, அவரை விழுப்புரம் மாவட்டம், உளுந்தூா்பேட்டை திருநாவலூரில் வைத்து தாக்கியதாகக் கூறப்படுகிறது. இதில் காயமடைந்த போதுமணியை அவரது தாயாா் அழைத்து வந்து தேனி க.விலக்கு அரசு மருத்துவக் கல்லூரி மருத்துவமனையில் சோ்த்தாா்.

இதுகுறித்து போதுமணி கொடுத்த புகாரின் அடிப்படையில், போடி தாலுகா காவல் நிலைய போலீஸாா் பாலமுருகன் மீது வியாழக்கிழமை வழக்குப் பதிவு செய்து விசாரித்து வருகின்றனா்.