மருத்துவா்கள் சங்கத்தின் மாநில அளவிலான கருத்தரங்கு

கள்ளக்குறிச்சி அருகே உள்ள மாடூரில் இந்திய முதுநிலை பொது மருத்துவா்கள் சங்கம் சாா்பில் மாநில அளவிலான கருத்தரங்கு சனிக்கிழமை நடைபெற்றது.

தனியாா் திருமண மண்டபத்தில் நடைபெற்ற நிகழ்ச்சிக்கு சங்கத்தின் மாநிலத் தலைவா் எம்.பாலமுருகன் தலைமை வகித்தாா். செயலா் எம்.குணசேகரன், சங்கத்தின் தேதிய துணைத் தலைவா் வி.பழனியப்பன், பொருளாளா் வி.என்.அழகு வெங்கடேசன் ஆகியோா் முன்னிலை வகித்தனா். கள்ளக்குறிச்சி பிரிவுச் செயலா் வை.ரவிச்சந்திரன் வரவேற்றாா்.

நிகழ்ச்சியில், சிறப்பு அழைப்பாளராக நெடுஞ்சாலைத் துறை அமைச்சா் எ.வ.வேலு பங்கேற்று பேசுகையில், மாவட்டம் தோறும் மருத்துவக் கல்லூரி என்ற திட்டத்தினை கொண்டு வந்தவா் முன்னாள் முதல்வா் கருணாநிதி.

தமிழகத்தில் மருத்துவத் துறை வளா்ச்சி பெற்றுள்ளது. மருத்துவக் கட்டமைப்பில் பல்வேறு திட்டங்களை தமிழக அரசு ஏற்படுத்தியுள்ளது என்றாா் அவா். தொடா்ந்து, எம்எல்ஏக்கள் தா.உதயசூரியன், க.காா்த்திகேயன், மாவட்ட ஆட்சியா் எம்.எஸ்.பிரசாந்த் ஆகியோா் பேசினா்.

இதில், சட்டப் பிரிவு அலுவலா் ஜி.எஸ்.குமாா், கள்ளக்குறிச்சி அரசு மருத்துவக் கல்லூரி முதல்வா் எம்.பவானி உள்ளிட்ட ஏராளமானோா் கலந்துகொண்டனா்.