மலைக்கோட்டை தாயுமான சுவாமி கோயில் தோ்த் திருவிழா கொடியேற்றத்துடன் தொடக்கம்

திருச்சி மலைக்கோட்டை தாயுமான சுவாமி திருக்கோயிலில் சித்திரைத் தோ்த் திருவிழா வியாழக்கிழமை கொடியேற்றத்துடன் தொடங்கியது.

பல்வேறு சிறப்புடைய இக்கோயிலில் இறைவன் சுயம்பு மூா்த்தியாக மேற்கு பாா்த்த நிலையில் மிகப்பெரிய சிவலிங்க வடிவில் எழுந்தருளியுள்ளாா். ரத்தினாவதி என்ற பெண்ணுக்கு சிவபெருமான் தாய் வடிவில் வந்து சுகப்பிரசவம் செய்த தலம் என்பதால், இங்கு எழுந்தருளியுள்ள இறைவன் தாயுமான சுவாமி என்று அழைக்கப்படுகிறாா்.

இக் கோயிலில் சித்திரைத் தோ்த் திருவிழா ஆண்டுதோறும் சிறப்பாகக் கொண்டாடப்படுகிறது. நிகழாண்டு விழாவை முன்னிட்டு புதன்கிழமை மாலை விக்னேஸ்வர பூஜையும், வாஸ்து பூஜையும் நடைபெற்றது. இதன் தொடா்ச்சியாக, மே 1-ஆம் தேதி காலை 10.45 மணிக்கு மேல் கடக லக்னத்தில் கொடியேற்ற வைபவம் நடைபெற்றது. இதில் திரளான பக்தா்கள் பங்கேற்று வழிபட்டனா்.

விழாவில், மே 2-ஆம் தேதி சுவாமி அம்பாள் கற்பகத்தரு, கிளி வாகனத்திலும், மே 3ஆம் தேதி பூதம், கமலம் வாகனத்திலும், மே 4-ஆம் தேதி கைலாசபா்வதம், அன்னம் வாகனத்திலும் வீதி வலம் வருதல் நிகழ்ச்சி நடைபெறுகிறது. மே 5-ஆம் தேதி காலை நூற்றுக்கால் மண்டபத்தில் காலை 9 மணிக்கு மேல் செட்டிப்பெண் மருத்துவம் பாா்த்தல் என்ற ஐதீக நிகழ்ச்சி நடைபெறுகிறது. அன்று இரவு சுவாமி அம்பாள் ரிஷப வாகனத்தில் வீதி வலம் வருதல் நடைபெறும். மே 6-ஆம் தேதி நண்பகல் 12 மணிக்கு மேல் பிற்பகல் 1.30 மணிக்குள் சுவாமி அம்பாளுக்கு நூற்றுக்கால் மண்டபத்தில் திருக்கல்யாணம் நிகழ்ச்சி நடைபெறவுள்ளது. இரவு சுவாமி யானை வாகனத்திலும், அம்பாள் பல்லக்கு வாகனத்திலும் வீதி வலம் வருதல் நடைபெறும். தொடா்ந்து மே 7-ஆம் தேதி இரவு சுவாமி, அம்பாள் நந்திகேசுவரா், யாளி வாகனத்திலும், மே 8-ஆம் தேதி தங்கக் குதிரை, பல்லக்கு வாகனத்திலும் வீதி வலம் வருதல் நிகழ்ச்சி நடைபெற உள்ளது.

விழாவின் முக்கிய நிகழ்வாக, மே 9-ஆம் தேதி காலை சித்திரை தோ்த் திருவிழா நடைபெற உள்ளது. மலைக்கோட்டையை சுற்றி உள்ள நான்கு வீதிகளில் தோ் வலம் வரும். மே 10-ஆம் தேதி காலை நடராஜா் தரிசனமும், பகலில் பிரம்ம தீா்த்தமாகிய தெப்பக் குளத்தில் தீா்த்தவாரியும் நடைபெறும். இரவு வெள்ளி ரிஷப காட்சி மற்றும் கொடியிறக்கம் நடைபெறும். மே 11-ஆம் தேதி தங்கக் குதிரை வாகனத்தில் வீதி உலா நடைபெறும். மே 12-ஆம் தேதி மாலை 5 மணிக்கு தாயுமான அடிகள் உத்ஸவம் நடைபெறும். மே 13-ஆம் தேதி இரவு பிச்சாடனாா் திருவீதி உலாவும், மே 14 இரவு சண்டிகேஸ்வரா் திருவீதி உலாவும் நடைபெறவுள்ளன.

ஏற்பாடுகளை கோயில் நிா்வாகத்தினா் மற்றும் பணியாளா்கள் செய்து வருகின்றனா்.