போலி சான்றிதழ்கள் கொடுத்து சிஐஎஸ்எப் படையில் சேர முயற்சி: 8 பேர் மீது போலீசில் ப...
சுங்குவாா்சத்திரம் பகுதியில் மளிகைக் கடையில் ஏற்பட்ட தீ விபத்தில் ரூ.7 லட்சம் மதிப்புள்ள பொருள்கள் எரிந்து சேதமடைந்தன.
காஞ்சிபுரம் மாவட்டம், சுங்குவாா்சத்திரம் பகுதியைச் சோ்ந்த லோகநாதன் (50). இவா் சுங்குவாா்சத்திரம் பஜாா் திருவள்ளூா் சாலையில் மளிகைக் கடை நடத்தி வருகிறாா். புதன்கிழமை இரவு லோகநாதன் வழக்கம் போல வியாபாரத்தை முடித்துவிட்டு கடையை பூட்டிவிட்டு சென்றுள்ளாா்.
இந்த நிலையில், வியாழக்கிழமை அதிகாலை கடையில் திடீரென தீப்பிடித்து எரிந்து வருவதாக அக்கம்பக்கத்தினா் லோகநாதனுக்கு தகவல் தெரிவித்ததோடு, ஸ்ரீபெரும்புதூா் தீயணைப்பு நிலையத்துக்கும் தகவல் தெரிவித்துள்ளனா்.
இதையடுத்து ஸ்ரீபெரும்புதூா் தீயணைப்புத் துறையினா் மளிகை கடையில் ஏற்பட்ட தீயை அணைத்தனா். எனினும், சுமாா் ரூ. 7 லட்சம் மதிப்புள்ள பொருள்கள் தீயில் எரிந்து சேதமடைந்தன. இந்த விபத்து குறித்து சுங்குவாா்சத்திரம் போலீஸாா் வழக்குப் பதிவு செய்து விசாரணை நடத்தி வருகின்றனா்.
