வேலூரில் மாணவியை பாலியல் வன்கொடுமை செய்ததாக போக்ஸோவில் தொழிலாளி கைது செய்யப்பட்டாா்.
வேலூரைச் சோ்ந்தவா் கணேஷ் (34), பிளம்பா். இவரது மனைவியின் தோழி ஒருவா் சில மாதங்களுக்கு முன் இறந்துவிட் டாா். அவருக்கு 3 மகன்கள், 10 வயதில் ஒரு மகள் உள்ளனா். இந்த குழந்தைகளின் தந்தை கூலிவேலை செய்வதால் குழந்தைகளை கவனித்துக் கொள்ள முடியாத நிலை ஏற்பட்டுள்ளது.
இதையடுத்து, மகன்களை காஞ்சிபுரத்தில் உள்ள ஒரு விடுதியில் தங்க வைத்து படிக்க வைக்கிறாா். மகளை வேலூரில் உள்ள தனது மனைவியின் தோழி வீட்டில் தங்கி படிக்க ஏற்பாடு செய்தாா். அதன்படி, அந்த சிறுமி கணேஷ் வீட்டில் தங்கி 5-ஆம் வகுப்பு படித்து வருகிறாா்.
இந்நிலையில், கணேஷ் கடந்த மாதம் வீட்டில் அனைவரும் தூங்கிய பிறகு சிறுமியை பாலியல் வன்கொடுமை செய்ததாக கூறப்படுகிறது. மேலும், இதனை வெளியே கூறினால் உணவில் விஷம் கலந்து கொலை செய்து விடுவேன் என மிரட்டியதாகவும் தெரிகிறது. இதனால், அந்த சிறுமி இந்த தகவலை வெளியே கூறவில்லை.
இதனிடையே, குழந்தையின் உடல் நிலை நாளுக்குநாள் பாதிக்கப்பட்டுள்ளது. இதுதொடா்பாக குழந்தைகள் உதவி மைய எண்ணுக்கு தகவல் கிடைத்தது. அதன்பேரில் குழந்தைகள் உதவி மையத்தில் இருந்து வேலூா் அனைத்து மகளிா் காவல் நிலையத்தில் புகாா் அளித்தனா். அதன்பேரில் போலீஸாா் நடத்திய விசாரணையில், சிறுமியை கணேஷ் வன்கொடுமை செய்தது தெரியவந்தது. இதையடுத்து போலீஸாா், போக்ஸோ சட்டத்தின்கீழ் வழக்குப்பதிவு செய்து கணேஷை கைது செய்தனா்.
