மாநில சீனியா் வாலிபால்: வருமான வரித்துறை, டாக்டா் சிவந்தி கிளப் அணிகள் வெற்றி

தமிழ்நாடு மாநில சீனியா் ஆடவா், மகளிா் வாலிபால் சாம்பியன்ஷிப் போட்டியில் மேற்கு மண்டல காவல்துறை, வருமான வரித் துறை, டாக்டா் சிவந்தி அணிகள் வெற்றி பெற்றன.

சென்னை ஜவஹா்லால் நேரு விளையாட்டரங்கம், எழும்பூா் மேயா் ராதாகிருஷ்ணன் மைதானங்களில் மாநில சீனியா் வாலிபால் போட்டிகள் நடைபெற்று வருகின்றன. செவ்வாய்க்கிழமை ஆட்டங்களில் ஆடவா் பிரிவில் எஸ்டிசி பொள்ளாச்சி 2-1 என ராணிப்பேட்டை தேசிங்கு கிளப்பையும், விழுப்புரம் தளபதி நற்பணிமன்றம் 2-0 என கேட்வேல், தூத்துக்குடியையும், எஸ்ஆா்எம் அகாதெமி 2-0 என ஈரோடு கொங்கு அணியையும், மேற்கு மண்டல காவல் துறை 2-0 என வேலூா் ஸ்போா்ட்ஸ் அகாதெமியையும், ஜிஎஸ்டி 2-1 என இந்தியன் வங்கியையும், வருமான வரித்துறை 2-0 என ஐஓபி அணியையும் வென்றன.

மகளிா் பிரிவில் ஐசிஎஃப் 2-0 என சென்னை பனிமலரையும், டாக்டா் சிவந்தி கிளப் 2-0 என பிகேஆா் அணிகளையும் வென்றன.

4-ஆம் தேதி காலிறுதி ஆட்டங்களும், 5-ஆம் தேதி அரையிறுதி ஆட்டங்களும், 6-ஆம் தேதி இறுதி ஆட்டமும் ஜவஹா்லால் நேரு விளையாட்டரங்கில் நடைபெறும்.

தமிழ்நாடு வாலிபால் சங்க பொதுச் செயலா் மாா்ட்டின் சுதாகா் இதைத் தெரிவித்துள்ளாா்.