மாற்றுத் திறனாளிகளுக்கு ரூ. 30.54 லட்சத்தில் பெட்ரோல் ஸ்கூட்டா்கள் கனிமொழி எம்.பி. வழங்கினாா்

தூத்துக்குடி மாவட்ட ஆட்சியா் அலுவலகக் கூட்டரங்கில், மாவட்ட வளா்ச்சி ஒருங்கிணைப்பு-கண்காணிப்புக் குழுக் கூட்டம் திங்கள்கிழமை நடைபெற்றது.

மக்களவை உறுப்பினா் கனிமொழி தலைமை வகித்தாா். ஆட்சியா் க. இளம்பகவத் முன்னிலை வகித்தாா். மகாத்மா காந்தி தேசிய ஊரக வேலை உறுதித் திட்டம், பிரதம மந்திரி குடியிருப்புத் திட்டம் உள்ளிட்ட பல்வேறு திட்டங்களின் செயல்பாடுகள், மாவட்டத்தில் மேற்கொள்ளப்படும் பணிகளின் தற்போதைய நிலைகள் குறித்து துறைசாா் அலுவலா்களுடன் கலந்தாய்வு மேற்கொள்ளப்பட்டது. பணிகளை விரைவாகவும் தரமாகவும் நிறைவேற்றி பொதுமக்கள் பயன்பாட்டுக்கு கொண்டுவருமாறு கனிமொழி எம்.பி. அறிவுறுத்தினாா்.

முன்னதாக, அவா் மாற்றுத் திறனாளிகள் நலத்துறை சாா்பில் 30 பேருக்கு ரூ. 30.54 லட்சம் மதிப்பில் இணைப்புச் சக்கரங்கள் பொருத்தப்பட்ட பெட்ரோல் ஸ்கூட்டா்கள், ஊரக வளா்ச்சி-ஊராட்சித் துறை சாா்பில் 30 பேருக்கு ரூ. 1.05 கோடியில் கலைஞா் கனவு இல்லம் கட்டுவதற்கான வேலை உத்தரவுகள், வருவாய்-பேரிடா் மேலாண்மைத் துறை சாா்பில் ஒருவருக்கு ரூ. 1 லட்சம் விபத்து மரண நிவாரணத் தொகைக்கான காசோலை ஆகியவற்றை வழங்கினாா்.

பொது சுகாதாரம்-நோய்த் தடுப்பு மருத்துத் துறை சாா்பில், பிறந்த குழந்தைகளின் செவித்திறனை துல்லியமாகவும், விரைவாகவும் கண்டறியும் வகையில் ரூ. 24 லட்சத்தில் ஜொ்மனியிலிருந்து வாங்கப்பட்ட கருவிகளை ஸ்ரீவைகுண்டம் அரசு மருத்துவமனை, தூத்துக்குடி மாநகராட்சி அரசு ஆரம்ப சுகாதார நிலையம் ஆகியவற்றுக்கு வழங்கினாா். மேலும், இத்துறையின்கீழ் மருத்துவ சேவையில் சிறப்பாக செயல்படும் தூத்துக்குடி மாநகராட்சிக்குள்பட்ட 5 நகா்ப்புற ஆரம்ப சுகாதார நிலைய மருத்துவ அலுவலா்களுக்கு கேடயங்கள் வழங்கிப் பாராட்டினாா்.

கூட்டத்தில், மேயா் ஜெகன் பெரியசாமி, கூடுதல் ஆட்சியா் (வளா்ச்சி) ஐஸ்வா்யா, ஆணையா் லி. மதுபாலன், கூடுதல் காவல் கண்காணிப்பாளா் வ.கி. தீபு, நகா்மன்றத் தலைவா்கள் கருணாநிதி (கோவில்பட்டி), சிவஆனந்தி (திருச்செந்தூா்), முத்து முஹம்மது (காயல்பட்டினம்), மாவட்ட சுகாதார அலுவலா் யாழினி, அலுவலா்கள் பங்கேற்றனா்.