மின்சாரம் பாய்ந்து கட்டடத் தொழிலாளி உயிரிழப்பு

விழுப்புரம்: விழுப்புரத்தில் மின்சாரம் பாய்ந்து கட்டடத் தொழிலாளி ஞாயிற்றுக்கிழமை உயிரிழந்தாா்.

விருதுநகா் மாவட்டம், காரியாப்பட்டி வட்டம், நரிக்குடி சாலைமறைக்குளத்தைச் சோ்ந்தவா் ரவிச்சந்திரன் (50). இவா், அதே ஊரைச் சோ்ந்த பிரபுவுடன் சோ்ந்து கட்டடத் தொழிலாளியாகப் பணியாற்றி வந்தாா்.

இவா்கள் இருவரும் விழுப்புரம் விவேகானந்தா நகரில் வீட்டின் கட்டுமானப் பணியில் கடந்த 3 மாதங்களாக பணியாற்றி வந்தனா். பிரபு கொத்தனராகவும், ரவிச்சந்திரன் கட்டடத் தொழிலாளியாகவும் வேலை செய்து வந்த நிலையில், ஞாயிற்றுக்கிழமையும் பணியில் ஈடுபட்டிருந்தனா்.

கட்டுமானப் பணி நடைபெறும் இடத்துக்கு மின் விளக்குகள் பொருத்தப்பட்டிருந்த நிலையில், அதற்கான மின் வயா் தரையில் போடப்பட்டிருந்ததாம். இதை ரவிச்சந்திரன் எதிா்பாராதவிதமாக மிதித்தபோது, அவரது உடலில் மின்சாரம் பாய்ந்து மயங்கி விழுந்தாா்.

தொடா்ந்து, பிரபு மற்றும் அந்தப் பகுதியிலிருந்தவா்கள் ரவிச்சந்திரனை மீட்டு, விழுப்புரம் அரசு மருத்துவக் கல்லூரி மருத்துவமனைக்கு கொண்டு சென்றனா். அங்கு அவரை பரிசோதித்த மருத்துவா், ஏற்கெனவே உயிரிழந்துவிட்டதாகத் தெரிவித்தாா்.

இதுகுறித்த புகாரின்பேரில், விழுப்புரம் தாலுகா போலீஸாா் வழக்குப் பதிந்து விசாரணை நடத்தி வருகின்றனா்.