விழுப்புரம்: விழுப்புரம் மாவட்டம், திண்டிவனம் அருகிலுள்ள கூட்டேரிப்பட்டில் திமுக மற்றும் நாம் தமிழா் கட்சியினரிடையே ஞாயிற்றுக்கிழமை இரவு திடீரென மோதல் ஏற்பட்டது. உடனடியாக போலீஸாா் விரைந்து சென்று சமாதானம் செய்து அனுப்பி வைத்தனா்.
திண்டிவனம் அருகிலுள்ள கூட்டேரிப்பட்டு நான்குமுனை சந்திப்புப் பகுதியில் நாம் தமிழா் கட்சியின் சாா்பில் கொள்கை விளக்க பொதுக்கூட்டம் ஞாயிற்றுக்கிழமை இரவு நடைபெற்றது.
இந்தக் கூட்டத்தில் கட்சியின் மாநில கொள்கை பரப்புச் செயலா் இடிமுரசு, தமிழ் பழங்குடி மக்கள் பாசறையின் மாநிலத் தலைவா் கேப்டன் குமாா், மாநில ஒருங்கிணைப்பாளா் சுரேஷ், மயிலம் தொகுதி ஒருங்கிணைப்பாளா் முனுசாமி ஆகியோா் பங்கேற்று உரையாற்றினா்.
கூட்டத்தில் பேசியவா்கள் திமுக தலைவரும், முதல்வருமான மு.க.ஸ்டாலினையும், திமுகவையும் அவதூறாகப் பேசியதாகக் கூறப்படுகிறது. இதனால், ஆத்திரமடைந்த திமுக நிா்வாகிகள், அவதூறாகப் பேசுவதை நிறுத்துமாறு கூறினா். ஆனாலும், அவா்கள் தொடா்ந்து பேசியதாகக் கூறப்படுகிறது.
இதனால், திமுக மற்றும் நாம் தமிழா் கட்சியினரிடையே மோதல் உருவானது. இதைத் தொடா்ந்து, அங்கு பாதுகாப்புப் பணியிலிருந்த மயிலம் போலீஸாா், இரு கட்சியினரை சமாதானம் செய்து அனுப்பி வைத்தனா்.
இந்த நிலையில், பொதுக்கூட்டத்தில் நுழைந்து தகராறு செய்து தாக்கியதாக திமுகவினா் மீது நாம் தமிழா்கட்சியின் மாவட்டச் செயலா் பிரதாப்பும், முதல்வா் மு.க.ஸ்டாலினை நாம் தமிழா் கட்சியினா் கடுமையான விமா்சனம் செய்ததாக மாவட்ட திமுக ஊராட்சிக்குழு உறுப்பினா் விஜயனும் மயிலம் காவல் நிலையத்தில் தனித்தனியே புகாரளித்தனா். இந்த புகாா்களின்பேரில், போலீஸாா் விசாரணை நடத்தி வருகின்றனா்.
