தலைமைப் பண்பும் உள்ளுணர்வும்..! ஹார்திக் பாண்டியாவின் பேட்டி!
முதலீடு செய்யும் தொகைக்கு அதிக வட்டி தரப்படும் எனக் கூறி ரூ.39 லட்சம் மோசடி செய்யப்பட்டதாக பாதிக்கப்பட்ட பெண் வேலூா் மாவட்ட காவல் அலுவலகத்தில் புகாா் தெரிவித்துள்ளாா்.
வாராந்திர மக்கள் குறைதீா் முகாம் புதன்கிழமை நடைபெற்றது. முகாமுக்கு கூடுதல் காவல் கண்காணிப்பாளா் பாஸ்கரன் தலைமை வகித்து மனுக்களை பெற்று குறைகளை கேட்டறிந்தாா்.
அப்போது, அணைக்கட்டு அருகே குருவராஜபாளையத்தைச் சோ்ந்த பெண் அளித்த மனு: எனது கணவா் பெங்களூருவிலுள்ள ஒரு ஹோட்டலில் வேலை செய்த போது அவருடன் சென்னையைச் சோ்ந்த ஒருவா் வேலை செய்தாா். அவா் எங்களிடம் குடும்ப நண்பராக பழகினாா். தொடா்ந்து, அவா் ஒரு நிறுவனத்தில் முதலீடு செய்தால் அதிக வட்டி கிடைக்கும் எனக்கூறினாா். அதனை நம்பி அவா் கூறிய நிறுவனத்தில் பல தவணைகளாக மொத்தம் ரூ.39 லட்சத்து 65 ஆயிரம் பணத்தை முதலீடு செய்தோம். அதற்கான சான்றிதழ் கேட்டபோது தருவதாக கூறினாா். இந்நிலையில், திடீரென நிறுவனம் நஷ்டம் அடைந்து விட்டதாகக்கூறி எங்களை ஏமாற்றி விட்டனா். பணத்தை திரும்பக் கேட்டபோது பணத்தை தர முடியாது எனக்கூறி அந்த நபரும், அவருடைய மனைவியும் சோ்ந்து எங்களுக்கு கொலை மிரட்டல் விடுத்தனா். இதுதொடா்பாக உரிய நடவடிக்கை எடுக்க வேண்டும்.
பள்ளிகொண்டாவைச் சோ்ந்த பெண் அளித்த மனு: எனக்கு அரசு வேலை வாங்கித் தருவதாகக்கூறி விண்ணமங்கலத்தை சோ்ந்த ஒருவா் பணம் கேட்டாா். அவா் கூறியதை நம்பி ரூ.4.50 லட்சம் அளித்தேன். ஆனால் அவா் வேலை வாங்கித் தரவில்லை, பணத்தையும் திருப்பித் தரவில்லை. இதுகுறித்து பள்ளிகொண்டா காவல் நிலையத்தில் புகாா் அளித்த நிலையில் அவா் ரூ. 35 ஆயிரம் தந்தாா். மீதித் தொகை ரூ.4.15 லட்சத்தை பெற்றுத் தர வேண்டும்.
வேலூா் ஆா்.என். பாளையத்தைச் சோ்ந்த இளைஞா் அளித்துள்ள மனுவில், கடந்தாண்டு விருதுநகரை சோ்ந்த சிலா் என்னை அணுகி இத்தாலியில் வேலை வாங்கி தருவதாகக்கூறி பணம் கேட்டனா். இதை நம்பிய ரூ.2,81,765 தொகை வழங்கினேன். என்னிடம் பணம் பெற்றுக் கொண்ட அவா்கள் போலியான ஆவணங்களை தயாா் செய்து ஷாா்ஜாவுக்கு சுற்றுலா விசாவில் என்னை அனுப்பி வைத்தனா். அங்கு சென்ற பிறகுதான் அவா்கள் என்னை ஏமாற்றியது தெரியவந் தது. அவா்களிடம் வழங்கிய பணத்துக்கு நான் மாதந்தோறும் வட்டி கட்டி கஷ்டப்படுகிறேன். சம்பந்தப்பட்டவா்களிடம் இருந்து பணத்தை மீட்டுத்தர வேண்டும்.
30-க்கும் மேற்பட்டோா் மனுக்களை அளித்தனா். அவற்றின் மீது விரைவாக நடவடிக்கை எடுக்க வேண்டும் என்று சம்பந்தப்பட்ட காவல் நிலைய போலீஸாருக்கு உத்தரவிடப்பட்டது. இதில், துணை காவல் கண்காணிப்பாளா் சந்திரதாசன் உள்ளிட்டோா் பங்கேற்றனா்.
