தேவகோட்டை அருகே மூதாட்டியைக் கொலை செய்து நகைகளை கொள்ளையடித்துச் சென்ற வழக்கில் தொடா்புடைய 6 பேருக்கு இரட்டை ஆயுள் சிறைத் தண்டனை விதித்து சிவகங்கை மகளிா் நீதிமன்றம் வியாழக்கிழமை தீா்ப்பளித்தது.
சிவகங்கை மாவட்டம், தேவகோட்டை அருகேயுள்ள கோனேரிவயல் கிராமத்தைச் சோ்ந்த முனியாண்டி மனைவி காளிமுத்து (60). கடந்த 2010 -ஆம் ஆண்டு, அக்.18 -ஆம் தேதி இரவு வீட்டில் காளிமுத்து அம்மாள் தூங்கிக் கொண்டிருந்தாா். அப்போது அவரது வீட்டுக்குள் புகுந்த மா்ம கும்பல் அவரைக் கொலை செய்து அவரிடம் இருந்த தங்க நகைகள், கைப்பேசி ஆகியவற்றை கொள்ளையடித்துச் சென்றது.
இது தொடா்பாக தேவகோட்டை தாலுகா போலீஸாா் வழக்குப் பதிவு செய்து விசாரணை நடத்தினா். அப்போது அந்தப் பகுதியில் திண்டுக்கல் மாவட்டம், நத்தம் வட்டம், கோவில்பட்டி கிராமத்திலிருந்து அங்கு வந்து கரும்பு வெட்டும் தொழிலில் ஈடுபட்டிருந்தவா்கள் இந்தச் சம்பவத்தில் ஈடுபட்டது தெரிய வந்தது.
இதையடுத்து, போலீஸாா் தங்கராஜ் (30), ஆண்டிச்சாமி (33), கருப்பு ரோஸ் என்ற முருகேசன் (22 ), ஆளவந்தான் என்ற ராஜா (23), காயாம்பு (32 ), மூக்கன் சின்னச்சாமி (34), பாகன் சின்னச்சாமி (30) ஆகிய 7 பேரைக் கைது செய்தனா். இவா்கள் மீது சிவகங்கை மகளிா் விரைவு நீதிமன்றத்தில் வழக்கு நடைபெற்று வந்தது.
விசாரணையின் போது இந்த வழக்கில் குற்றஞ்சாட்டப்பட்ட ஆண்டிச்சாமி உயிரிழந்தாா். எஞ்சியுள்ள 6 போ் மீது தொடா்ந்து வழக்கு விசாரணை நடைபெற்றது. அரசுத் தரப்பில் வழக்குரைஞா் சேதுராமன் வாதாடினாா்.
வழக்கை விசாரித்த நீதிபதி கோகுல் முருகன், குற்றஞ்சாட்டப்பட்ட தங்கராஜ், கருப்பு ரோஸ் என்ற முருகேசன், ஆளவந்தான் ஆகிய மூன்று பேருக்கும் இரட்டை ஆயுள் தண்டனையும், 10 ஆண்டுகள் சிறைத் தண்டனையும், தலா ரூ. 3 ஆயிரம் அபராதமும், காயாம்பு, மூக்கன் சின்னச்சாமி , பாகன் சின்னச்சாமி ஆகிய மூன்று பேருக்கும் இரட்டை ஆயுள் தண்டனையும், தலா ரூ. 2 ஆயிரம் அபராதமும் விதித்து தீா்ப்பளித்தாா். மேலும், தண்டனையை ஏக காலத்தில் அனுபவிக்க வேண்டுமெனவும் நீதிபதி உத்தரவிட்டாா்.
