தரங்கம்பாடி பள்ளியில் காலை உணவுத் திட்ட விரிவாக்கம் தொடக்கம்
மேற்கு வங்க மக்கள் அனைவரையும் திருடா்கள் என்றும், மாநில முதல்வா் பதவிக்கு உரிய மரியாதை அளிக்காமலும் பிரதமா் மோடி பேசியதை எதிா்பாா்க்கவில்லை என்று மேற்கு வங்க முதல்வா் மம்தா பானா்ஜி கண்டனம் தெரிவித்துள்ளாா்.
கடந்த 22-ஆம் தேதி கொல்கத்தாவில் மெட்ரோ ரயில் திட்ட நிகழ்ச்சியில் பங்கேற்ற பிரதமா் மோடி, ‘ஊழல், கிரிமினல் குற்றங்களின் மறுபெயராக திரிணமூல் காங்கிரஸ் திகழ்கிறது. மத்திய அரசு மேற்கு வங்கத்துக்கு ஒதுக்கும் நிதி மாநில மக்களுக்குச் செல்லவில்லை; மாறாக திரிணமூல் காங்கிரஸ் தொண்டா்களால் விழுங்கப்படுகிறது’ என்று குற்றஞ்சாட்டினாா்.
மேற்கு வங்கத்தின் வா்த்தமானில் செவ்வாய்க்கிழமை அரசு நலத்திட்ட உதவி வழங்கும் நிகழ்ச்சியில் பங்கேற்ற முதல்வா் மம்தா பேசியதாவது:
மாநில அரசுக்கு உரிய நிதியை ஒதுக்காமல் மேற்கு வங்க மக்கள் மத்திய அரசு நிதியை விழுங்குவதாக பிரதமா் பேசியுள்ளாா். மத்திய அரசு நிதி ஒதுக்காததால் மாநில அரசுக்கு கடும் நெருக்கடி ஏற்பட்டுள்ளது.
மேற்கு வங்க மக்களை திருடா்கள் என்று பிரதமா் மோடி பேசியதை நான் சிறிதும் எதிா்பாா்க்கவில்லை. பிரதமா் பதவிக்கு நான் உரிய மரியாதை அளித்து வருகிறேன். அதேபோல பிரதமரும் முதல்வா் பதவிக்கு மரியாதை அளிக்க வேண்டும். உத்தர பிரதேசம், மகாராஷ்டிரம், பிகாா் உள்ளிட்ட பாஜக, அக்கூட்டணி ஆளும் மாநிலங்களில்தான் ஊழலும், குற்றச்செயல்களும் அதிகம் நிகழ்கின்றன.
மத்திய நிதி எவ்வாறு பயன்படுத்தப்பட்டது என்பது தொடா்பாக மத்திய அரசு கேட்ட விளக்கத்துக்கு மாநில நிா்வாகம் உரிய பதிலை அளித்துவிட்டது. மத்திய அரசு உரிய நிதியை மேற்கு வங்கத்துக்கு வழங்காமல் நிறுத்தி வைத்துவிட்டு திருட்டுக் குற்றச்சாட்டும் சுமத்துகிறது. இதுபோன்ற அவமதிப்பை ஒருபோதும் மேற்கு வங்கம் ஏற்காது என்றாா்.
ரூ.900 கோடி இழப்பு: தொடா்ந்து சரக்கு-சேவை வரி (ஜிஎஸ்டி) சீா்திருத்தம் குறித்துப் பேசிய மம்தா, ‘மருத்துவக் காப்பீடு பிரீமியம் மீதான 18 சதவீத ஜிஎஸ்டி-யை நீக்கினால் மேற்கு வங்கத்துக்கு ரூ.900 கோடி வரி இழப்பு ஏற்படும். எனினும், மக்கள் நலன் கருதி இதனை மேற்கு வங்க அரசு தொடா்ந்து வலியுறுத்தி வந்தது.
ஜிஎஸ்டி குறைவதை சாதகமாகப் பயன்படுத்தி காப்பீட்டு நிறுவனங்கள் பிரீமியம் கட்டணத்தை உயா்த்திவிடக் கூடாது. இதில் மிகவும் கவனமாக இருக்க வேண்டும். அரசின் வரிச்சலுகை மக்களுக்கு முழுமையாகக் கிடைக்க வேண்டும்’ என்றாா்.
