கே.எம். காதர் மொகிதீனுக்கு தகைசால் தமிழர் விருது வழங்கினார் முதல்வர்!
நாமக்கல் மாவட்ட மத்தியக் கூட்டுறவு வங்கி உருவாக காரணமாக இருந்த மாநிலங்களவை உறுப்பினா் கே.ஆா்.என்.ராஜேஸ்குமாருக்கு, தமிழக முதல்வா் மு.க.ஸ்டாலின் கடிதம் வாயிலாக பாராட்டுகளை தெரிவித்துள்ளாா்.
முதல்வா் எழுதிய பாராட்டு கடிதத்தில், நாமக்கல் மாவட்ட மத்திய கூட்டுறவு வங்கியை காணொலி வாயிலாகத் தொடங்கிவைப்பதில் மிக்க மகிழ்ச்சியடைகிறேன். ‘மாவட்டத்திற்கு ஒரு மத்திய கூட்டுறவு வங்கி’ என்ற தொலைநோக்குத் திட்டத்தின் கீழ் தொடங்கிவைக்கப்படும் முதல் மத்திய கூட்டுறவு வங்கி என்ற பெருமையை இந்த நாமக்கல் மாவட்ட மத்திய கூட்டுறவு வங்கி பெறுவது மேலும் மகிழ்ச்சியளிக்கிறது.
நாமக்கல் மாவட்டத்தில் மத்திய கூட்டுறவு வங்கியை ஆரம்பிக்க வேண்டும் என கே.ஆா்.என்.ராஜேஸ்குமாா் எம்.பி. என்னிடம் அடிக்கடி வலியுறுத்தி வந்தாா். அதனை ஏற்று நானும் மத்திய அரசுக்குப் பரிந்துரைத்து உருவாகியுள்ள சிறப்புமிகு வங்கி மக்கள் சேவையில் மகத்தான பணியாற்ற இருக்கிறது.
நாமக்கல் மாவட்டத்தில் இந்த வங்கி அமையக் காரணமாக இருந்த, வங்கியின் தலைவரும், மாநிலங்களவை உறுப்பினருமான கே.ஆா்.என்.ராஜேஸ்குமாருக்கும், அமைச்சா் மருத்துவா் மா.மதிவேந்தனுக்கும் எனது பாராட்டுகளையும், வாழ்த்துகளையும் தெரிவித்துக் கொள்கிறேன் என அதில் தெரிவித்துள்ளாா்.
என்கே-14-பேங்க்
நாமக்கல் மாவட்ட புதிய மத்தியக் கூட்டுறவு வங்கிக்கான கல்வெட்டை வியாழக்கிழமை திறந்துவைத்தாா் மாநிலங்களவை உறுப்பினா் கே.ஆா்.என்.ராஜேஸ்குமாா்.
