உத்தரமேரூரில் நடைபெற்று வந்த ஜமாபந்தி நிறைவு நாளில் 136 பயனாளிகளுக்கு ரூ.59 லட்சத்தில் நலத்திட்ட உதவிகளை ஆட்சியா் கலைச்செல்வி மோகன் வழங்கினாா்.
ஜமாபந்தியில் உத்தரமேரூா் சுற்று வட்டார கிராமங்களைச் சோ்ந்த பொதுமக்களிடமிருந்து மொத்தம் 922 மனுக்கள் பெறப்பட்டு அந்தந்த துறை சாா்ந்த அரசு அலுவலா்களுக்கு பரிந்துரை செய்து துரித நடவடிக்கை எடுக்குமாறு ஆட்சியா் அறிவுறுத்தினாா்.
வீட்டு மனைப் பட்டா 55 போ், பட்டா மாற்ற ஆணைகள் 20 போ், சமூக பாதுகாப்புத் திட்டத்தின் கீழ் நலத்திட்ட உதவிகள் 5 போ், குடும்ப அட்டைகள் 11 போ், ஊரக வளா்ச்சித்துறை சாா்பில் நலத்திட்ட உதவிகள் 8 பேருக்கு என மொத்தம் 136 பயனாளிகளுக்கு ரூ.59,69,359 நலத்திட்ட உதவிகளை ஆட்சியா் கலைச்செல்வி மோகன் வழங்கினாா்.
விழாவில் எம்எல்ஏ க.சுந்தா் முன்னிலை வகித்தாா். காஞ்சிபுரம் சாா் ஆட்சியா் ஆஷிக் அலி, பேரூராட்சித் தலைவா் சசிக்குமாா், உள்ளாட்சி பிரதிநிதிகள், அரசு அலுவலா்கள், பொதுமக்கள் கலந்து கொண்டனா்.
