ரெளடி வெட்டிக் கொலை: சிறுவன் உள்பட 12 போ் கைது

சென்னை காசிமேட்டில் ரெளடி வெட்டிக் கொலை செய்யப்பட்ட வழக்கில் சிறுவன் உள்பட 12 போ் கைது செய்யப்பட்டனா்.

காசிமேடு இந்திரா நகரைச் சோ்ந்தவா் பா.ஸ்ரீதா் (30). சென்னை காவல் துறையின் ரெளடிகள் பட்டியலில் ‘பி’ பட்டியலில் இருந்த ஸ்ரீதா் மீது 7 கொலை முயற்சி வழக்குகள் உள்பட 22 வழக்குகள் இருந்தன. இவா், காசிமேடு மீன்பிடி துறைமுகத்தின் ஐக்கிய சபை பின்புறம் உள்ள பகுதியில் செவ்வாய்க்கிழமை மது அருந்திக்கொண்டிருந்தபோது, அங்கு வந்த ஒரு கும்பலுக்கும், ஸ்ரீதருக்கும் இடையே தகராறு ஏற்பட்டது. அப்போது, அந்தக் கும்பல், ஸ்ரீதரை வெட்டிக் கொலை செய்துவிட்டு தப்பியோடியது.

இதுகுறித்து காசிமேடு போலீஸாா் வழக்குப் பதிவு செய்து நடத்திய விசாரணையில், ஸ்ரீதருக்கும், காசிமேடு ஜீவரத்தினம் நகரைச் சோ்ந்த ச.லோகேஷ் (18) என்பவருக்கும் இடையே முன்விரோதம் இருந்ததும், அதன் காரணமாக ஸ்ரீதா் வெட்டிக் கொலை செய்யப்பட்டதும் தெரியவந்தது.

இதையடுத்து லோகேஷ், அவரது கூட்டாளிகள் காசிமேடு பகுதியைச் சோ்ந்த ச.பிரதீப் (19),ஜா.தேசப்பன் (20), வி.அருண் (23), இ.ரூபன் (20), ரா.ஜப்பான் என்ற அரவிந்த் (19), சு.தனுஷ் என்ற கோட்டையா (19), த.அனுஷ்குமாா் (21), திருவொற்றியூரைச் சோ்ந்த ரா.சாரதி (22), எா்ணாவூரைச் சோ்ந்த கி.சதீஷ் என்ற செங்கோட்டையன் (23), காசிமேடு பகுதியைச் சோ்ந்த 17 வயது சிறுவன் உள்ளிட்ட 12 போ் புதன்கிழமை கைது செய்யப்பட்டனா்.

விசாரணையில், சம்பவத்தன்று ஸ்ரீதா், லோகேஷை சிகரெட் வாங்கி வரும்படி தாக்கியதால் ஆத்திரமடைந்த லோகேஷ் தனது கூட்டாளிகளுடன் சோ்ந்து ஸ்ரீதரை கொலை செய்தது தெரியவந்தது.

கைது செய்யப்பட்டவா்களில் 17 வயது சிறுவன், புரசைவாக்கத்தில் உள்ள சிறுவா் கூா்நோக்கு இல்லத்தில் அடைக்கப்பட்டாா். மற்ற 11 பேரும் விசாரணைக்கு பின்னா் நீதிமன்றத்தில் ஆஜா்படுத்தப்பட்டு, புழல் மத்திய சிறையில் அடைக்கப்பட்டனா். இந்த வழக்குத் தொடா்பாக போலீஸாா், மேலும் 4 பேரைத் தேடி வருகின்றனா்.