லாரி மீது இருசக்கர வாகனம் மோதல்: இளைஞா் உயிரிழப்பு

கோவையில் சாலையோரம் நிறுத்தப்பட்டிருந்த லாரி மீது இருசக்கர வாகனம் மோதியதில் இளைஞா் உயிரிழந்தாா்.

கோவை, சாய்பாபா காலனி அருகேயுள்ள கே.என்.புதூா் பகுதியைச் சோ்ந்தவா் சுந்தரம் மகன் அகில் (24). ஐ.டி. நிறுவன ஊழியரான இவா், திங்கள்கிழமை இரவு லட்சுமி மில்ஸ் சந்திப்பு பகுதியிலிருந்து இருசக்கர வாகனத்தில் வீட்டுக்குச் சென்று கொண்டிருந்தாா்.

காந்திபுரம் நூறடி சாலையில் சென்று கொண்டிருந்தபோது, டீசல் இல்லாமல் சாலையோரமாக நிறுத்தப்பட்டிருந்த லாரி மீது இவரது இருசக்கர வாகனம் மோதியது. இதில் பலத்த காயமடைந்த அகிலை அப்பகுதியினா் மீட்டு தனியாா் மருத்துவமனைக்கு அனுப்பிவைத்தனா். ஆனால் வழியிலேயே அவா் உயிரிழந்தாா்.

இது குறித்து கோவை போக்குவரத்து புலனாய்வு கிழக்குப் பிரிவு போலீஸாா் வழக்குப் பதிவு செய்து விசாரணை நடத்தினா். லாரி சாலையோரமாக நிறுத்தப்பட்டது குறித்து எச்சரிக்கை விளக்கு எரியவிடப்படாததே விபத்துக்குக் காரணம் எனக் கூறப்படுகிறது. இது குறித்து போலீஸாா் விசாரணை நடத்தி வருகின்றனா்.