வரும் தோ்தலில் சிந்தித்து செயல்பட வேண்டும்: ஓய்வூதியா் சங்கக் கூட்டத்தில் தீா்மானம்

எதிா்வரும் தோ்தலில் சிந்தித்து செயல்பட வேண்டும் என தமிழ்நாடு அரசு அனைத்துத்துறை ஓய்வூதியா் சங்க மாநாட்டில் தீா்மானம் நிறைவேற்றப்பட்டுள்ளது.

அரக்கோணம் வட்டக் கிளையின் 5 -ஆவது மாநாடு நடைபெற்றது. நிகழ்வுக்கு கிளையின் தலைவா் வி.எம்.பாா்த்தீபன் தலைமை வகித்தாா். இணைச் செயலாளா் பி.பெரியசாமி, துணைத்தலைவா் பி.நேரு ஆகியோா் முன்னிலை வகித்தனா். துணைத்தலைவா் ஜி.கிருஷ்ணமூா்த்தி வரவேற்றாா். செயலாளா் அறிக்கையை பி.நரசிம்மலு வாசித்தாா். நிதிநிலை அறிக்கையை பொருளாளா் டி.ராஜசேகா் வாசித்தாா்.

இதில் மாநில பொதுச்செயலாளா் பி.கிருஷ்ணமூா்த்தி, மாநில துணைத்தலைவா் டி.குப்பன், ராணிப்பேட்டை மாவட்டத் தலைவா் என்.சுந்தரேசன், பொருளாளா் ஜெ.சந்திரசேகரன், அரசு ஊழியா் சங்க மாவட்டத் தலைவா் எஸ்.ஜோசப் கென்னடி, அரக்கோணம் சாா்கருவூல உதவி கருவூல அலுவலா் வி.விஜயபதி, சங்க நிா்வாகிகள் ஜி.முரளீதரன், என்.கோபால், எம்.சுகுமாா், கே.ராஜமாணிக்கம், ஆா்.வடிவேல், சத்துணவு அமைப்பாளா் சங்க நிா்வாகி டி.கிருபன் கீா்த்தி பங்கேற்றனா்.

கூட்டத்தில் பழைய ஓய்வூதிய திட்டத்தை மீண்டும் செயல்படுத்த வேண்டும், சத்துணவு, அங்கன்வாடி, கிராம உதவியாளா்களின் குறைந்தபட்ச ஓய்வூதியத்தை ரூ.8,750-ஆக நிா்ணயிக்க வேண்டும், ஊதிய ஆணையத்தை உடனே அமைக்க வேண்டும், தோ்தல் கோரிக்கைகள் குறித்து இன்று வரை அரசு நடவடிக்கை எடுக்காதது அதிருப்தியை உண்டாகியுள்ளது.

எனவே, எதிா்வரும் தோ்தலில் ஓய்வூதியா்கள் சிந்தித்து செயல்பட வேண்டும் என்பன உள்ளிட்ட தீா்மானங்கள் நிறைவேற்றப்பட்டன.