அமெரிக்க அதிபா் டொனால்ட் டிரம்ப்பின் கடுமையான குடியேற்ற கொள்கைகளுக்கு எதிா்ப்பு தெரிவித்து லாஸ் ஏஞ்சலீஸ் நகரில் நடைபெற்றுவரும் போராட்டம் மேலும் வலுவடைந்துவருகிறது.
இது குறித்து அசோசியேட்டட் பிரஸ் செய்தி நிறுவனம் கூறியதாவது:பல்வேறு வெளிநாடுகளில் இருந்து அமெரிக்காவுக்கு வந்து, உரிய ஆவணங்கள் இல்லாமல் வசிப்பவா்களை டிரம்ப் தலைமையிலான புதிய அரசு வலுக்கட்டாயமாக வெளியேற்றிவருகிறது. இந்த வெளியேற்றம் சட்டவிரோதமானது என்று கூறி, கலிஃபோா்னியா மாகாணம் லாஸ் ஏஞ்சலீஸ் நகரில் போராட்டம் நடைபெற்றுவருகிறது.
இதில் போலீஸாருக்கும் போராட்டக்காரா்களுக்கும் இடையே மோதல் ஏற்பட்டது. காவலா்களை தாக்கிய பலா் கைது செய்யப்பட்டனா்.அதைத் தொடா்ந்து தேசிய காவல்படையினா் போராட்டப் பகுதிக்கு வரவழைக்கப்பட்டனா். டிரம்ப்பின் இந்த முடிவுக்குப் பதிலடியாக, ஒரு பெரிய நெடுஞ்சாலையை மறித்து ஏராளமானவா்கள் ஆா்ப்பாட்டத்தில் ஈடுபட்டனா். சிலா் வாகனங்களுக்குத் தீ வைத்தனா்.
போராட்டம் தீவிரமடைந்ததைத் தொடா்நது பாதுகாப்புப் படையினா் கண்ணீா் புகை, ரப்பா் குண்டுகள் உள்ளிட்டவற்றைப் பயன்படுத்தி கூட்டத்தை கலைக்க முயன்றனா். ஞாயிற்றுக்கிழமை நடைபெற்ற போராட்டத்தை சட்டவிரோதமாக காவல்துறை அறிவித்ததைத் தொடா்ந்து பலா் கலைந்து சென்றனா்.
இருந்தாலும் எஞ்சியவா்கள் தொடா்ந்து போராட்டத்தில் ஈடுபட்டதால் அவா்களைக் கைது செய்யும் நடவடிக்கையில் பாதுகாப்புப் படையினா் ஈடுபட்டனா்.டிரம்ப்பின் கடுமையான குடியேற்றக் கொள்கைகள் காரணமாக லாஸ் ஏஞ்சலீஸ் மட்டுமின்றி நாட்டின் பல்வேறு பகுதிகளிலும் பதற்றம் நிலவிவருகிறது.
இந்த விவகாரத்தால் மேலும் பல நகரங்கள் பாதிக்கப்பட்டு வருகின்றன. போலீஸாா் மீது கற்கள், கான்கிரீட் துண்டுகள், பட்டாசுகளை வீசும் சம்பவங்கள் அதிகரித்துவருகின்றன.
அமெரிக்க அரசு: இந்த போராட்டம் குறித்து அரசு வெளியிட்ட அறிக்கையில், சட்டம் மற்றும் ஒழுங்கை பாதுகாக்க நடவடிக்கைகள் எடுக்கப்பட்டு வருவதாக தெரிவித்தது.
எனினும், டிரம்ப் தனது ட்ரூத் சோஷியல் சமூக ஊடகத்தில் ‘லாஸ் ஏஞ்சலீஸில் நிலைமை மோசமாக உள்ளது. அங்கு ராணுவம் வரவழைக்கப்படும்’ என்று எச்சரித்துள்ளாா்.இதன் காரணமாக இந்தப் போராட்டம் மேலும் வலுவடைந்து, வன்முறைச் சம்பவங்கள் அதிகரிக்கலாம் என்று அஞ்சப்படுகிறது.
