விழுப்புரம் மாவட்டம், அரகண்டநல்லூா் அருகே, சரக்கு வாகனம், மரத்தின் மீது மோதி ஏற்பட்ட விபத்தில் காயமடைந்தவா்களில் ஒரு பெண் உயிரிழந்தாா். இருவா் மருத்துவமனையில் அனுமதிக்கப்பட்டனா்.
கண்டாச்சிபுரம் வட்டம், சென்னாகுனம், பிடாரி அம்மன் கோயில் தெருவைச் சோ்ந்தவா்கள் தனசேகா் மனைவி விஜயராணி(38) பெருமாள் மகன் ஏழுமலை(24).ஞானவேல் மகன் சிலம்பரசன்(30‘). இவா்கள், வெள்ளிக்கிழமை ஒரு சரக்கு வாகனத்தில் முகையூரிலிருந்து- கண்டாச்சிபுரத்துக்கு சென்று கொண்டிருந்தனா்.
கண்டாச்சிபுரம் வட்டம், சித்தேரிபட்டு ஏழுமலை(24) வாகனத்தை ஓட்டியுள்ளாா். இந்நிலையில். அரகண்டநல்லூா் காவல்சரகம் இருதயபுரம் அருகே சென்றபோது ஓட்டுநரின் கட்டுப்பாட்டை இழந்த வாகனம் சாலையோர மரத்தில் மோதி விபத்துக்குள்ளானது.
இந்த விபத்தில் விஜயராணி, ஏழுமலை, சிலம்பரசன் ஆகிய மூவரும் காயமடைந்தனா்.இதையடுத்து மூவரும் அவசர ஊா்தி மூலம் விழுப்புரம் மாவட்ட அரசு மருத்துவக் கல்லூரி மருத்துவமனைக்கு கொண்டு செல்லப்பட்டனா்.
இதில், விஜயராணி உயிரிழந்தாா். ஏழுமலை, சிலம்பரசன் ஆகியோா் சிகிச்சையில் அனுமதிக்கப்பட்டனா். இது குறித்த புகாரின் பேரில் அரகண்டநல்லூா் போலீஸாா் வழக்குப் பதிந்து விசாரிக்கின்றனா்.
