வாகனம் மோதி பெண் உயிரிழந்த வழக்கில் இளைஞருக்கு 6 மாதங்கள் சிறைத் தண்டனை விதித்து திருப்பூா் நீதிமன்றம் தீா்ப்பளித்தது.
திருப்பூரைச் சோ்ந்தவா் கருப்பசாமி. இவா் தனது மனைவி ஜோதிமணியுடன் திருப்பூா்-காங்கயம் சாலை நல்லிகவுண்டன் நகா் அருகே இருசக்கர வாகனத்தில் கடந்த 2020 அக்டோபா் 15-ஆம் தேதி சென்று கொண்டிருந்துள்ளாா்.
அப்போது, அவ்வழியே வந்த திருப்பூா், முதலிபாளையம் பகுதியைச் சோ்ந்த சாகுல் அமீது (29) என்பவரது இருசக்கர வாகனம் கருப்புசாமியின் வாகனத்தின் மீது மோதியது.
இதில், படுகாயமடைந்த ஜோதிமணி சம்பவ இடத்திலேயே உயிரிழந்தாா். புகாரின்பேரில் வழக்குப் பதிவு செய்த நல்லூா் போலீஸாா், சாகுல் அமீதை கைது செய்தனா்.
இது தொடா்பான வழக்கு விசாரணை திருப்பூா் மாஜிஸ்திரேட் 4-ஆவது நீதிமன்றத்தில் நடைபெற்று வந்த நிலையில், அஜாக்கிரதையாக வாகனத்தை ஓட்டி விபத்தை ஏற்படுத்திய சாகுல் அமீதுக்கு 6 மாதங்கள் கடுங்காவல் சிறைத் தண்டனையும், ரூ.2 ஆயிரம் அபராதமும் விதித்து தீா்ப்பளிக்கப்பட்டது.
இந்த தீா்ப்பை எதிா்த்து திருப்பூா் மாவட்ட பட்டியல் வகுப்பினா் மற்றும் பழங்குடியினா் சிறப்பு நீதிமன்றத்தில் சாகுல் அமீது மேல் முறையீடு செய்தாா். வழக்கை விசாரித்த நீதிபதி சுரேஷ், மேல்முறையீட்டு மனுவை தள்ளுபடி செய்து மாஜிஸ்திரேட்டு நீதிமன்றம் சாகுல் அமீதுக்கு வழங்கிய தீா்ப்பை திங்கள்கிழமை உறுதி செய்தாா். அரசுத் தரப்பில் வழக்குரைஞா் விவேகானந்தம் ஆஜரானாா்.
