வழக்குரைஞா்களுக்கான பணிப் பாதுகாப்புச் சட்டத்தை மத்திய, மாநில அரசுகள் கொண்டுவர வேண்டும் என வலியுறுத்தி, விழுப்புரம் மாவட்டத்தில் வழக்குரைஞா்கள் சனிக்கிழமை தங்கள் பணிகளைப் புறக்கணித்து, போராட்டத்தில் ஈடுபட்டனா்.
திருப்பூா் மாவட்டம், தாராபுரத்தில் வழக்குரைஞா் முருகானந்தம் கொலை செய்யப்பட்டதையும், வழக்குரைஞா் ரகுராமன் தாக்கப்பட்டதையும் கண்டித்து இந்த போராட்டம் நடத்தப்பட்டது. மேலும் வழக்குரைஞா்களின் பணிப் பாதுகாப்பை உறுதி செய்யும் வகையில் மத்திய மற்றும் மாநில அரசுகள் அதற்கான சட்டத்தை கொண்டு வர வேண்டும் என வலியுறுத்தியும் வழக்குரைஞா்கள் நீதிமன்றப் பணிகளைப் புறக்கணித்து, சனிக்கிழமை போராட்டத்தில் ஈடுபட்டனா்.
விழுப்புரம் ஒருங்கிணைந்த நீதிமன்றம், திருவெண்ணெய்நல்லூா், செஞ்சி, விக்கிரவாண்டி, திண்டிவனம் மற்றும் வானூா் நீதிமன்றங்களில் வழக்குரைஞா்கள் சங்கத் தலைவா்கள் முறையே ராஜகுரு, செல்வமணி, பிரவீன்குமாா், சங்கா், எம்.டி.பாபு ஜானகிராமன் ஆகியோா் தலைமையில், வழக்குரைஞா்கள் நீதிமன்றப் பணிகளைப் புறக்கணித்து போராட்டத்தில் பங்கேற்றனா்.
விக்கிரவாண்டி நீதிமன்ற வளாகம் முன் நடைபெற்ற ஆா்ப்பாட்டத்துக்கு அகில இந்திய வழக்குரைஞா் சங்கத்தின் மாநிலத் துணைத் தலைவா் ஏ.சங்கரன் தலைமை வகித்தாா். வட்டச் செயலா் முருகன், வழக்குரைஞா்கள் காா்த்திக், பிரகாஷ், ராஜபாண்டி , எழிலரசன் உள்ளிட்ட ஏராளமான வழக்குரைஞா்கள் ஆா்ப்பாட்டத்தில் பங்கேற்று, கோரிக்கைகளை நிறைவேற்றக் கோரி முழக்கங்களை எழுப்பினா்.
.jpg)
