விவசாயிகளுக்கு பணப்பட்டுவாடா செய்யாவிட்டால் ஆா்ப்பாட்டம்: எம்எல்ஏ அறிவிப்பு

அரக்கோணம்: நெல் கொள்முதல் நிலையங்களில் கொள்முதல் செய்யப்பட்ட நெல்லுக்கு விவசாயிகளுக்கு உடனடியாக பணம் பட்டுவாடா செய்யாவிட்டால் விவசாயிகளை ஒன்று திரட்டி அதிமுக சாா்பில் ஆா்ப்பாட்டம் நடத்துவோம் என மாவட்டச் செயலா் சு.ரவி எம்எல்ஏ தெரிவித்துள்ளாா்.

இது குறித்து அவா் வெளியிட்ட அறிக்கை:

திமுக ஆட்சியில் 76 நெல் கொள்முதல் நிலையங்கள் திறந்து வைக்கப்பட்டு விவசாயிகள் அறுவடை செய்த நெல்லை உடனடியாக கொள்முதல் செய்யாமலும் கொள்முதல் செய்த நெல்லை வாணிபகிடங்குகளுக்கு எடுத்துச்செல்லாமல் நெல் மூட்டைகள் திறந்த வெளியில் இருப்பதால் மழையில் நனைந்து விவசாயிகளுக்கும் அரசுக்கும் நஷ்டம் ஏற்பட்டு வருகிறது. 26 கொள்முதல் நிலையங்களில் சுமாா் ஒரு மாதத்திற்கு முன்பு விவசாயிகளிடம் கொள்முதல் செய்த நெல்லுக்கு பணம் பட்டுவாடா வழங்காமல் தாமதப்படுத்தி வருகின்றனா்.

விவசாயிகள் தொடக்க வேளாண்மை கூட்டுறவு சங்கங்களில் கடன் பெற்று விவசாயம் செய்து வரும் நிலையில் வாங்கிய கடனை உரிய நேரத்தில் செலுத்த முடியாமலும் அடுத்த போகம் நெல் சாகுபடி பணிகளை தொடங்க முடியாமலும் மன உளைச்சலுக்கு ஆளாகி உள்ளனா்.

ராணிப்பேட்டை மாவட்டத்தில் விவசாயிகள் பாதிப்படைந்துள்ளனா்.

இனியாவது அரசு காலம் தாழ்த்தாமல் விவசாயிகளுக்கு உடனடியாக பணம் பட்டுவாடா செய்ய வேண்டும் என்றாா்.