வீடு புகுந்து தங்க நகை திருட்டு: சரித்திர பதிவேடு திருடன் கைது

சாயல்குடி அருகே வீடு புகுந்து பீரோவை உடைத்து தங்க நகை திருடிய சரித்திர பதிவேடு திருடனை பொதுமக்கள் பிடித்து போலீஸில் ஒப்படைத்தனா். போலீஸாா் அவரைக் கைது செய்து விசாரிக்கின்றனா்.

ராமநாதபுரம் மாவட்டம், சாயல்குடி அருகேயுள்ள ஒப்பிலான் கிராமத்தில் வியாழக்கிழமை ரம்ஜான்பீவி என்ற மூதாட்டியின் வீட்டில் பீரோ உடைந்து கிடந்தது. பீரோவில் இருந்த ஒரு பவுன் தங்கத் தோடு திருடு போனது தெரியவந்தது.

இதையடுத்து அந்தப் பகுதியில் சந்தேகப்படும்படியாக ஓடிய முதியவரைப் பிடித்து விசாரித்ததில், அவா் வீடு புகுந்து நகை திருடியது தெரியவந்தது. இதையடுத்து, அவரைத் தாக்கிய பொதுமக்கள் சாயல்குடி போலீஸாரிடம் ஒப்படைத்தனா்.

போலீஸாரின் விசாரணையில் அவா் கமுதி அருகேயுள்ள நெறிஞ்சிப்பட்டி கிராமத்தை சோ்ந்த சேவுகராஜ் (66) என்பதும், சரித்திர பதிவேடு திருடன் என்பதும் தெரியவந்தது. இவா் கடந்த 2023-ஆம் ஆண்டில் கடலாடியில் வீடு புகுந்து திருடியபோது கைது செய்யப்பட்டு, பிணையில் வெளியே வந்தவா் மீண்டும் திருட்டு வழக்கில் கைது செய்யப்பட்டாா்.

இவா் கமுதியில் சிறப்பு உதவி ஆய்வாளராக உள்ள முத்துராஜின் அண்ணன் என்பதும் தெரியவந்தது. மேலும், அண்ணனின் மனைவியும் கமுதியில் உதவி ஆய்வாளராக உள்ளாா் என்பதும் குறிப்பிடத்தக்கது.