தமிழக காவல்துறையில் 21 பேருக்கு குடியரசு தலைவர் விருது! யார்யார்?
கோவை தமிழ்நாடு வேளாண்மைப் பல்கலைக்கழகத்தில் அங்கக வேளாண்மை குறித்த விழிப்புணா்வு, கண்காட்சி மற்றும் கருத்தரங்கு புதன்கிழமை நடைபெற்றது.
நிகழ்ச்சிக்கு, மாவட்ட ஆட்சியா் பவன்குமாா் க.கிரியப்பனவா் தலைமை வகித்தாா். மாநகராட்சி மேயா் கா.ரங்கநாயகி, இணை இயக்குநா் (வேளாண்மை) கிருஷ்ணவேணி ஆகியோா் முன்னிலை வகித்தனா்.
நிகழ்ச்சியில், சோளம் சாகுபடி தொழில்நுட்ப கையேட்டை வெளியிட்டு, பயனாளிகளுக்கு அரசு நலத்திட்ட உதவிகளை ஆட்சியா் வழங்கினாா்.
தமிழ்நாடு வேளாண்மைத் துறை, தோட்டக் கலைத் துறை, தமிழ்நாடு வேளாண்மை பல்கலைக்கழகம், வேளாண் அறிவியல் நிலையம், உழவா் உற்பத்தியாளா் குழுக்கள், அங்கக விவசாயிகள் சாா்பில் அரங்குகள் அமைக்கப்பட்டு இருந்தன.
இதில், 11 பயனாளிகளுக்கு இடுபொருள்கள் மற்றும் சான்றளிப்பு வழங்கப்பட்டன. மேலும் அங்கக வேளாண்மையின் முக்கியத்துவம், களை, உரம், பூச்சி நோய் மேலாண்மை, மண்வளம் மற்றும் சுற்றுப்புற சூழல் காத்தல் குறித்து நம்மாழ்வாா் இயற்கை வேளாண்மை ஆராய்ச்சி மைய விஞ்ஞானிகளால் விளக்கவுரை அளிக்கபட்டது.
மேலும், அரசின் சாா்பில் வேளாண்மைத் துறையில் செயல்படுத்தப்படும் திட்டங்கள் குறித்து அலுவலா்களால் விளக்கம் அளிக்கப்பட்டது. இக்கருத்தரங்கில், மாவட்ட ஆட்சியரின் நோ்முக உதவியாளா் (வேளாண்மை) ஆனந்தகுமாா், விரிவாக்க கல்வி இயக்கக இயக்குநா் முருகன் மற்றும் மாவட்டத்தில் உள்ள விவசாயிகள் பலரும் கலந்து கொண்டனா்.
