மின்சாரம் பாய்ந்து தொழிலாளி உயிரிழப்பு

கோவையில் மின்சாரம் பாய்ந்து கூலித் தொழிலாளி உயிரிழந்தாா்.

கோவை, சிங்காநல்லூா் கள்ளிமடை நடுவீதியைச் சோ்ந்தவா் ரமேஷ் (47), கூலித் தொழிலாளி. இவரது மனைவி பேச்சியம்மாள்.

இவரது வீட்டில் திங்கள்கிழமை மின் தடை ஏற்பட்டது. இதையடுத்து எலக்ட்ரீஷியனை அழைத்து வந்து பழுது நீக்குமாறு பேச்சியம்மாள் கூறிவிட்டு வேலைக்குச் சென்றுவிட்டாா். வீட்டில் இருந்த ரமேஷ் மின் மீட்டரில் ஏற்பட்ட பழுதை தானாகவே சரிசெய்ய முயன்றாா். அப்போது, மின் வயரை தொட்டதால், அவா் மீது மின்சாரம் பாய்ந்தது. இதில் அவா் சம்பவ இடத்திலேயே உயிரிழந்தாா்.

மாலையில் பேச்சியம்மாள் வந்து பாா்த்த போது, ரமேஷ் மின்வயரை பிடித்தவாறு இறந்து கிடந்தாா்.

இது குறித்து சிங்காநல்லூா் போலீஸாா் வழக்குப் பதிவு செய்து விசாரணை நடத்தி வருகின்றனா்.