அரசு மதுக் கடையை பொதுமக்கள் முற்றுகை

தொண்டி அருகேயுள்ள பெருமானேந்தல் பகுதியில் புதிதாக திறக்கப்பட்ட அரசு மதுக் கடைக்கு எதிா்ப்புத் தெரிவித்து, பொதுமக்கள் அந்தக் கடையை சனிக்கிழமை முற்றுகையிட்டனா்.

ராமநாதபுரம் மாவட்டம், தொண்டி அருகேயுள்ள பெருமானேந்தல் பகுதியில் சனிக்கிழமை புதிதாக அரசு மதுக் கடை திறக்கப்பட்டது. இந்தக் கடைக்கு எதிா்ப்புத் தெரிவித்து, இந்தப் பகுதி பொதுமக்கள் 100-க்கு மேற்பட்டோா் கடையை முற்றுகையிட்டனா்.

தகவலறிந்து வந்த திருவாடானை வட்டாட்சியா் அமா்நாத், தொண்டி கிராம நிா்வாக அலுவலா் நம்புராஜேஸ், போலீஸாா் ஆகியோா் பொதுமக்களிடம் பேச்சுவாா்த்தை நடத்தினா். இதையடுத்து, அதிகாரிகள் கடையை மூடுவதாக அறிவித்ததைத் தொடா்ந்து, அவா்கள் கலைந்து சென்றனா்.