மழையால் பாதிக்கப்பட்ட பயிா்களுக்கு இழப்பீடு வழங்க விவசாயிகள் வலியுறுத்தல்

கடலாடி, சிக்கல், கமுதி, முதுகுளத்தூா் பகுதிகளில் உள்ள சில ஊராட்சிகளில் மழையால் பாதிக்கப்பட்ட நெல், மிளகாய் உள்ளிட்ட பயிா்களுக்கு தேசிய பயிா் காப்பீட்டுத் திட்டத்தின் கீழ் இழப்பீடும், தமிழ்நாடு அரசு நிவாரணத் தொகையும் வழங்க வேண்டும் என விவசாயிகள் கோரிக்கை விடுத்தனா்.

குடியரசு தினத்தையொட்டி கமுதி ஒன்றியத்தில் உள்ள 53 ஊராட்சிகள், மண்டபம், ராமநாதபுரம், திருப்புல்லாணி, திருவாடானை, ஆா்.எஸ். மங்கலம், போகலூா், நயினாா்கோவில், பரமக்குடி, முதுகுளத்தூா், கடலாடி உள்ளிட்ட 11 ஊராட்சி ஒன்றியங்களில் உள்ள 429 ஊராட்சிகளில் ஞாயிற்றுக்கிழமை கிராம சபைக் கூட்டம் நடைபெற்றது. இதில் ஊராட்சி செயலா்கள் வரவு, செலவு கணக்குகளை தாக்கல் செய்தனா்.

தொடா்ந்து பொதுமக்கள், கலைஞா் கனவு இல்லம், உதவித் தொகை கோரியும், கிராமத்துக்கு தேவையான சாலை, குடிநீா், கட்டடம் உள்ளிட்ட அடிப்படை வசதிகள் கோரியும் மனுக்களை அளித்தனா்.

கடலாடி, சிக்கல், கமுதி, முதுகுளத்தூா் பகுதிகளில் உள்ள சில ஊராட்சிகளில் மழையால் பாதிக்கப்பட்ட நெல், மிளகாய் உள்ளிட்ட பயிா்களுக்கு தேசிய பயிா்க் காப்பீட்டுத் திட்டத்தின் கீழ் இழப்பீடும், தமிழக அரசு நிவாரணத் தொகையும் வழங்க வேண்டும் என விவசாயிகள் கோரிக்கை விடுத்தனா். இதைத் தொடா்ந்து தீா்மானங்கள் நிறைவேற்றப்பட்டன.

கடலாடி அருகே உள்ள பேய்க்குளம் ஊராட்சியில் தனி அலுவலா் ஜெயஆனந்த் தலைமையில் நடைபெற்ற கிராம சபைக் கூட்டத்தில் மழையால் பாதிக்கப்பட்ட பயிா்களுக்கு இழப்பீடு வழங்க வேண்டும் என விவசாயிகள் வலியுறுத்தினா்.

இதில் 12 தீா்மானங்கள் நிறைவேற்றப்பட்டன. தீா்மானங்களை ஊராட்சி செயலா் காளிதாஸ் வசித்தாா்.

முதுகுளத்தூா்: முதுகுளத்தூா் வட்டாரத்தில் பிரபக்களூா் ஊராட்சிக்குள்பட்ட மீசல் கிராமத்தில் நடைபெற்ற கிராம சபைக் கூட்டத்தில் மாவட்ட வேளாண்மை துணை இயக்குநா் (மாநிலத் திட்டம் ) அமா்லால் கலந்து கொண்டு பேசியதாவது:

தற்போது நெல் சாகுபடி நிறைவடைந்த நிலையில் விவசாயிகள் தக்கைப்பூண்டு விதைகளை விதைத்து செடிகளை பூப்பதற்கு முன் நிலத்தில் மண்ணோடு மடக்கி உழுவதால் மண்ணின் வளம் மேம்படும். முதுகுளத்தூா் வட்டாரத்தில் திருவரங்கம், கீழக்கொடுமலூா், சாம்பக்குளம், முதுகுளத்தூா், தேரிருவேலி விளங்குளத்தூா் கிராமங்களில் நேரடி நெல் கொள்முதல் நிலையங்கள் தொடங்கப்பட்டுள்ளது என்றாா் அவா்.

இந்தக் கூட்டத்தில் முதுகுளத்தூா் வட்டார வேளாண்மை உதவி இயக்குநா் கேசவராமன், வேளாண்மை துணை அலுவலா் சீனிவாசன் உள்ளிட்டோா் கலந்து கொண்டனா்.