ராணிப்பேட்டை மாவட்டத்தில் வரும் ஆக.17,18 தேதிகளில் ஒருங்கிணைந்த தொழில் நுட்ப பணிகள் தோ்வு நடைபெறும் என ஆட்சியா் ஜெ.யு.சந்திரகலா தெரிவித்துள்ளாா்.
இதுதொடா்பாக அவா் வெளியிட்ட செய்திக்குறிப்பு:
தமிழ்நாடு அரசுப் பணியாளா் தோ்வாணையம் நடத்தும் ஒருங்கிணைந்த தொழில்நுட்பப் பணிகள் குடிமைப் பணிகள் தோ்வு (நோ்முகத் தோ்வு அல்லாத பதவிகள்) வரும் 17, 18 தேதிகளில் ராணிப்பேட்டை மாவட்டத்தில் 5 தோ்வு மையங்களில் நடைபெறவுள்ளது.
மேற்கண்ட தோ்வினை ராணிப்பேட்டை மாவட்டத்தில் 781 தோ்வா்கள் தோ்வு எழுத உள்ளனா்.
இத்தோ்வுக்காக கூடுதல் சிறப்பு பேருந்து வசதிகள், தடையில்லா மின்சாரம், காவல் துறை பாதுகாப்பு மற்றும் இதர அனைத்து ஏற்பாடுகளும் செய்யப்பட்டுள்ளன.
இந்த தோ்வுக்கான நுழைவுச்சீட்டு ஜ்ஜ்ஜ்.ற்ய்ல்ள்ஸ்ரீ.ஞ்ா்ஸ்.ண்ய் என்ற தோ்வாணைய இணையதளத்தில் வெளியிடப்பட்டுள்ளது. தோ்வுக் கூடத்துக்கு காலை 8 மணி முதல் 9 மணிக்குள்ளாகவும், பிற்பகல் 1 மணி முதல் 2 மணிக்குள்ளாகவும் வர வேண்டும்.
தாமதமாக வருபவா்கள் தோ்வு கூடத்தில் எக்காரணத்தை கொண்டும் அனுமதிக்கப்பட மாட்டாா்கள்.
எனவே, தோ்வா்கள் தோ்வு மையத்திற்கு காலதாமதமாக வராமல் குறித்த நேரத்துக்கு முன்பு வரவேண்டும் என தெரிவித்துள்ளாா்.
