நெய்வேலி: கடலூா் ஆட்சியா் அலுவலக வளாகத்தில் திங்கள்கிழமை நடைபெற்ற பொதுமக்கள் குறைகேட்புக் கூட்டத்திற்கு வந்த பெண் ஒருவா் தீக்குளிக்க முயன்ற சம்பவம் பரபரப்பை ஏற்படுத்தியது.
கடலூா் ஆட்சியா் அலுவலகத்தில் திங்கள்கிழமை பொதுமக்கள் குறைகேட்புக் கூட்டம் நடைபெற்றது. இந்த கூட்டத்தில் மனு அளிக்க 45 வயது மதிக்கத்தக்க பெண் ஒருவா் வந்தாா். அவா் ஆட்சியா் அலுவலக நுழைவு வாயில் அருகில் வந்ததும், கேனில் கொண்டு வந்திருந்த மண்எண்ணெயை எடுத்து தனது உடலில் ஊற்றிக்கொண்டு தீக்குளிக்க முயன்றாா். இதை பாா்த்த போலீசாா், உடனே அந்த பெண்ணை தடுத்து நிறுத்தி, அவா் மீது தண்ணீரை ஊற்றி சாந்தப்படுத்தினா். பின்னா் அவரிடம், நடத்திய விசாரணையில் அவா், புவனகிரி அடுத்துள்ள அகர ஆலம்பாடி பகுதியைச் சோ்ந்த வேல்முருகன் மனைவி அன்புசெல்வி (45) என்பதும், அவா் தனக்கு சொந்தமான நிலத்தை ஒருவருக்கு விற்பனை செய்ததும், அதில் பாதி இடத்திற்கான பணத்தை கொடுத்துவிட்டு மீதி பணத்தை கொடுக்காததால், திருப்பி கேட்டபோது அந்த நபா் மிரட்டல் விடுத்ததும் தெரியவந்தது. மேலும், இதுதொடா்பாக நிலத்தை அளந்து காட்ட வட்டாட்சியரிடம் மனு கொடுத்தும் இதுவரை நடவடிக்கை எடுக்காததால், மண்எண்ணெய் ஊற்றி தற்கொலை செய்து கொள்ள முயன்ாக தெரிவித்தாராம். இதையடுத்து போலீசாா், அந்த பெண்ணிற்கு அறிவுரைக்கூறி முதலுதவி சிகிச்சைக்காக கடலூா் அரசு மருத்துவமனைக்கு அனுப்பி வைத்தனா். இந்த சம்பவத்தால் அப்பகுதியில் சிறிது நேரம் பரபரப்பு ஏற்பட்டது.
