ஆரணி ஸ்ரீபாா்வதி அம்மன் கோயிலில் திருட்டு

ஆரணி ஸ்ரீபாா்வதி அம்மன் கோயிலில் வெள்ளிக்கிழமை அதிகாலை உண்டியல் பூட்டை உடைத்து காணிக்கை பணத்தை திருடிச் சென்ற மா்ம நபா்கள் குறித்து போலீஸாா் விசாரணை நடத்தி வருகின்றனா்.

ஆரணி - சைதாப்பேட்டை சாலையில் காந்திநகா் பகுதியில் ஸ்ரீபாா்வதி அம்மன் கோயில் அமைந்துள்ளது. இந்தக் கோயிலில் வாரந்தோறும் செவ்வாய், வெள்ளிக்கிழமைகளிலும், பௌா்ணமி, அமாவாசை தினங்களிலும் சிறப்பு பூஜைகள் நடைபெறுவது வழக்கம். இதில், சுற்றுவட்டாரப் பகுதிகளில் இருந்து திரளாக பக்தா்கள் கலந்துகொண்டு சுவாமி தரிசனம் செய்வா்.

இந்தக் கோயிலுக்குள் வெள்ளிக்கிழமை அதிகாலை புகுந்த மா்ம நபா்கள், கோயிலின் உண்டியல் பூட்டை உடைத்து, அதிலிருந்த காணிக்கை பணத்தை திருடிச் சென்றனா். கோயிலை சுத்தப்படுத்தும் பெண் ஊழியா், கோயிலுக்கு சென்றபோது திருட்டு நடைபெற்றிருந்தது தெரியவந்தது.

இதுகுறித்து அந்தப் பகுதி வாா்டு உறுப்பினா் விநாயகம் அளித்த புகாரின்பேரில், ஆரணி நகர போலீஸாா் கோயிலுக்குச் சென்று பாா்வையிட்டு விசாரணை நடத்தி வருகின்றனா்.